影片
更多
2021-01-17
1263 浏览
天后一向多美食，精采秘店更加系多不胜数。早排去清风街食越南菜，见到对面新开咗间川菜馆，看过门外餐牌，原来午市有套餐供应，定价十分相宜，所以趁今日假期，专登过嚟帮衬下。餐厅地方不大，属小店格局，店面呈长方形，光洁明亮，座位以梳化卡座为主，两个人坐著不觉逼狭。餐厅午市有套餐供应，另外亦可以散点，有精美凉菜、营养主食、招牌推荐、经典小炒、健康时蔬、汽水及特饮系列。我哋点咗两个午餐，另外再加咗铁板鱿鱼须同一客甜品。先嚟嘅手撕鸡凉面 ($68) 份量看似不大，但原来面量不少，而且面质很不错，食落爽口弹牙，甚有嚼劲。酱汁香气十足、麻中带辣，捞埋嫩滑嘅鸡丝、口感清新嘅青瓜一齐食，惹味非常，令人胃口大开。酸菜鱼 ($78) 点咗少辣，客人可以自选配饭、米线或红薯粉。先试一口汤头，汤身清澈，入口一点也不油腻，辣味同酸味都好温和。鱼肉新鲜滑溜，每片都好大件，入口细骨不多，外滑内爽。酸菜味道亦唔错，大块而完整，既爽脆又酸醒，用嚟送饭一流！另外个铁板鱿鱼须 ($118) 亦做得很有水准，鱿鱼须大件又厚肉，食落鲜味十足。而且最正就系用热辣辣嘅铁板上，送上来时还吱吱作响，咬下烟烟韧韧，爽口有肉汁，夹埋啲配
天后一向多美食，精采秘店更加系多不胜数。早排去清风街食越南菜，见到对面新开咗间川菜馆，看过门外餐牌，原来午市有套餐供应，定价十分相宜，所以趁今日假期，专登过嚟帮衬下。
餐厅地方不大，属小店格局，店面呈长方形，光洁明亮，座位以梳化卡座为主，两个人坐著不觉逼狭。
餐厅午市有套餐供应，另外亦可以散点，有精美凉菜、营养主食、招牌推荐、经典小炒、健康时蔬、汽水及特饮系列。我哋点咗两个午餐，另外再加咗铁板鱿鱼须同一客甜品。
先嚟嘅手撕鸡凉面 ($68) 份量看似不大，但原来面量不少，而且面质很不错，食落爽口弹牙，甚有嚼劲。酱汁香气十足、麻中带辣，捞埋嫩滑嘅鸡丝、口感清新嘅青瓜一齐食，惹味非常，令人胃口大开。
酸菜鱼 ($78) 点咗少辣，客人可以自选配饭、米线或红薯粉。先试一口汤头，汤身清澈，入口一点也不油腻，辣味同酸味都好温和。鱼肉新鲜滑溜，每片都好大件，入口细骨不多，外滑内爽。酸菜味道亦唔错，大块而完整，既爽脆又酸醒，用嚟送饭一流！
另外个铁板鱿鱼须 ($118) 亦做得很有水准，鱿鱼须大件又厚肉，食落鲜味十足。而且最正就系用热辣辣嘅铁板上，送上来时还吱吱作响，咬下烟烟韧韧，爽口有肉汁，夹埋啲配菜一齐食，够哂惹味。
餐厅有两款甜品供应，包括红糖糍粑 ($68) 同 米酒汤圆，选了前者。糍粑做得很不错，入口外脆内软糯，糖浆味道浓郁香甜，夹埋面头嘅黄豆粉一齐食，层次分明，食完好有满足感。
午餐包饮品，有珍珠奶茶、咖啡、柠檬茶、朱古力、柠七及柠檬柚子蜜可供选择， 而且拣冻饮亦毋须额外加钱，非常抵食！
张贴
