半島漁港/阿翁火鍋館

营业中

休息中

经过咗一段时间，鲤鱼门广场多番一间酒楼叫半岛渔港，由于系新开张，大大个招牌打晒灯，门面望落十分光猛。入到去大多数老人家同一家大细，与一般假日屋邨酒楼差唔多。点心纸上都有几唔少嘢拣，今次求其点几个试吓。先嚟个红油抄手，个汁正正常常，不过啲馅就比较松散，本身肉已经差少少，里面加咗好杂菜，所以肉味就完全冇晒，整体变得难食。跟随系棉花鸡，底下𠮶两块应该系鱼肚，啲鸡肉好大雪味，唯一好食嘅系够冬菇。至于呢个排骨水晶粉，中规中矩。初时以为水晶粉无味，食落啲水晶粉有少少䓤香蒜油味，有啲似印尼捞面既汁底。所以味道不过不失而用水晶粉颇有创意。最后烧卖本人觉得不错，有啲似以前旧式既烧卖，将啲虾肉同猪肉沟埋，唔系大大只虾放喺面个种。饮茶当然要品评下啲茶，本人一向饮开普洱，而好多时一般酒楼都会用比较差普洱，而呢一间亦都唔例外，有色无味，所以下次可以试吓其他嘅茶。