滋味軒

营业中

休息中

海之恋有唔少新商舖进驻，是晚就同朋友嚟咗三楼嘅滋味轩试下，见佢餐牌唔贵，店员有热情招呼，就进店试试吧。先看看餐牌，有唔少小菜选择，仲有海鲜同滋味推介，另外又有点心即叫即蒸。见我哋攞唔定主意，店家推荐咗几样小菜，感觉啱食，就点呢三样啦😋⭐干炒胡椒粉丝大虾先上嘅系大虾粉丝煲，一开盖已经闻到好香嘅胡椒味，虾肉咬落爽甜，粉丝吸了大虾的鲜味同胡椒香，好好食㖞。⭐老坛酸菜鱼第二样系自己私心想点嘅酸菜鱼，但朋友唔系好食得辣，所以我哋净系拣咗小辣口味，汤头酸酸咸咸带微微微辣，鱼片非常嫩滑，配料仲有莴笋、大豆芽、杂菌等，食到底发觉仲有粉丝添，吸咗酸菜鱼嘅汤汁啲粉丝好正㖞。⭐脆三宝呢碟系店家推荐嘅脆三宝，有椒盐鲍鱼、百花酿蟹钳、同炸素春卷。鲍鱼十分爽口，咸咸脆脆几正呀，另外两样炸得香口唔油腻，系好食㖞。⭐白饭开头谂住叫𩠌就梗系要送饭啦，点知原来啲𩠌好多粉丝，然后啲粉丝吸咗酱汁又好好食，搞到碗饭都食唔晒添，哈哈，早知叫一碗两个人分啦😆埋单𠮶阵点家推介佢哋嘅午餐同下午茶，哗，真系好平好抵㖞，午餐68蚊咋，第二份只系需要加多廿蚊，仲有下午茶系29蚊咋，仲平过北上啦，哈哈。