野火燒

营业中

休息中

行过见有个新灯牌，望一望原来系食串烧，店名叫野火烧。时间尚早但都有几枱客，哈哈，串烧配啤酒系宵夜活动黎嘛。拣日不如撞日，就试下佢，睇下餐纸点咩好先。点左几样有兴趣想试嘅野，本想加支啤酒，谂起听日要早起都系饮返绿茶先啦，哈哈🤭🥒蒜芯～鲜嫩爽口无渣👍🐟白鳝～肥美弹牙无骨，自己整太麻烦，出街食必点😆🐓掌心雷～唔讲真系唔知咩黎，原来系鸡脚中间位置，食得咁刁钻？全部系店家自己预备嘅食材，功夫多所以系限量😝喔喔脆又爽口，口感好正👍🐏羊肉串 + 🐓鸡软骨～羊肉嫩，鸡软骨脆，两者都属正常发挥。🍄墨鱼滑酿冬菇～串烧店少见嘅酿冬菇，墨鱼滑几弹牙，冬菇烧得香口😋🍍菠萝～最后食番个甜品，哈哈，菠萝水嫩多汁，仲好甜添，满意👍整体串烧有水准，唔干身又无太咸，好啱口味😋枱面仲有呢支好狠辣辣粉，爱辣人仕一定要试～BTW，串烧店在成记位置，晚上先有串烧㗎。