鮨石 (已結業)

今晚同女朋友庆祝周年纪念，朋友介绍咗呢间新开抵食午市厨师发办，位于尖沙咀，地点超方便。环境非常高档，厨师都会不断同你倾吓计，介绍吓时令当作款式。我哋要咗$989 set，包含前菜、刺身3款、旬．茶碗蒸、季节烧物、一品料理、寿司7件、汤品、甜品，非常丰富。茶碗蒸都加入咗海苔碎令味道更有层次。大和芋海胆拌秋葵碎，味道好夹！ 北海道鲛鲽鱼，配酸汁啫喱，酸甜开胃沙甸鱼卷，紫苏香气更带出鱼肉的鲜味 长崎县小长井生蚝，肥美厚肉，充满海水味。红𫚕鱼结实新鲜马粪海胆军舰，非常澎湃嘅海胆，食到舔舔脷。熟成拖罗，厚切肥美。唔好睇小份量一件一件咁，但原来食到最尾非常够饱肚。当系节日庆祝价钱绝对抵食。