金凡潮汕菜

营业中

休息中

新开潮州菜餐馆，楼底好高，环境好舒适宽敞，装修充满怀旧风格亦不失气派，系聚会好选择。今晚同老公两个人撑枱脚，人少少就叫左个人气鱼翅捞饭辣蟹餐，都已经非常够饱。✨金凡辣蟹可以拣唔同辣度，我地拣咗小辣。辣蟹大大只啖啖肉蟹肉鲜甜。避风塘口味嘅辣椒同炒蒜惹味得黎唔会好咸。✨金凡鱼翅捞饭一疏疏嘅鱼翅配上芽菜，加上浓郁上汤，忍唔住捞咗成碗白饭。✨猪油渣生炒菜心以猪油渣炒嘅菜心，再加上蒜片，好香口。菜心嫩绿爽脆。