倪姐泰國美食 (已結業)

同朋友来到九龙城食泰国菜，今次拣咗黎呢间，虽然店舖细细，但人就有好多。7点半去到等咗15－20分钟就入得。首先当然要来个椰青先啦，食泰国嘢除咗啤酒，又点可以无椰青呢，呢个椰青够冻，正！跟住落嚟就系必食嘅炸虾饼，肉质松软，点上绝配嘅甜酸酱，赞！烧牛肉薄薄的，口感嫩嫩的，好有牛味，比起出面无咩牛味相比，真系出色好多 船河：汤底好浓，上面系炸猪皮，我第一次食船河，河粉剪到碎碎咁，好得意，啱晒我最钟意有羹食嘢，哈哈！软壳蟹粉卷：坦白讲如果净系食个粉卷系无咩味道嘅，但胜在附上嘅酱汁甜甜辣辣好嘢味，同软壳蟹好夹！烧带子：麻麻地，好细粒。。 PAD THAI: 薄薄嘅蛋皮包住pad thai, 上面洒上花生粒，唔好睇佢成个碗型，好似好少咁，但撩开真系够4个人食架。马拉盏炒芥兰：唔洗讲每次食泰国嘢都会叫嘅马拉盏炒菜，无失望，好香串烧沙嗲(鸡肉，猪肉，鸡肾): 好好味，沙嗲酱甜甜的，必食呀！下次来要试下佢个火锅仔先得，见好多人食，价钱又唔贵。唯一一样要挑剔嘅就系唔够店舖职员，成间舖头得2个人走走笛笛，成间铺full晒，可能要揾多个帮手啦。