影片
更多
2024-08-26
143 浏览
旺角又有新串烧店开幕啦！😆😆今次仲好特别 呢间餐厅名为蕾（Mirai）主打备长炭串烧料理 即系用炭火🔥早前挽肉と米登陆香港时 就有人分享过炭火牌唔易拎所以城中能以炭火煮食嘅餐厅少之又少 净系呢点就已经令我要冲去试下！而蕾嘅另一个卖点 就系主打多款日式烧鸟串烧🍢除咗传统烧鸟 仲会限量供应多款鸡嘅稀有部位所以有咩理由唔去试下！一行近餐厅 就畀佢超有气势嘅六角形门所震慑加上灯光配衬 特别型格有style1楼以bar枱座位为主 2楼则以四人枱及包厢房为主适合著重私隐 或系同一班朋友相聚嘅客人🥳 先试最冲击且限量供应嘅【提灯】即系母鸡输卵管、卵巢 连同未成熟孵化的鸡蛋黄一同上碟「灯笼🏮」食落似质感浓稠嘅半熟蛋味道可以接受 睇你够唔够胆试！除此之外 仲有【银皮】即鸡肾嘅边位 口感爽口【鸡心】、【赤鸡肉(鸡颈肉)】、及【鸡肾】等多款稀有部位当然亦唔少得【自家制鸡肉棒】免治鸡肉肉质鲜嫩 口感多变再沾上日本生鸡蛋🥚 令人欲罢不能而店中的其中一道招牌菜就系加入梦王蛋炮制而成嘅【蕾•釜饭🍚】饭粒饱满 加上菇菌 话咁快就食完除咗烧鸟 餐厅当然亦有不少其他拿手串烧🔥其中一个就系【厚切白鳝】 煎得皮脆肉嫩 绝对系
今次仲好特别 呢间餐厅名为蕾（Mirai）
主打备长炭串烧料理 即系用炭火🔥
早前挽肉と米登陆香港时
就有人分享过炭火牌唔易拎
所以城中能以炭火煮食嘅餐厅少之又少
净系呢点就已经令我要冲去试下！
而蕾嘅另一个卖点 就系主打多款日式烧鸟串烧🍢
除咗传统烧鸟 仲会限量供应多款鸡嘅稀有部位
所以有咩理由唔去试下！
一行近餐厅 就畀佢超有气势嘅六角形门所震慑
加上灯光配衬 特别型格有style
1楼以bar枱座位为主 2楼则以四人枱及包厢房为主
适合著重私隐 或系同一班朋友相聚嘅客人🥳
先试最冲击且限量供应嘅【提灯】
即系母鸡输卵管、卵巢
连同未成熟孵化的鸡蛋黄一同上碟
「灯笼🏮」食落似质感浓稠嘅半熟蛋
味道可以接受 睇你够唔够胆试！
除此之外 仲有【银皮】
即鸡肾嘅边位 口感爽口
【鸡心】、【赤鸡肉(鸡颈肉)】、
及【鸡肾】等多款稀有部位
当然亦唔少得【自家制鸡肉棒】
免治鸡肉肉质鲜嫩 口感多变
再沾上日本生鸡蛋🥚 令人欲罢不能
而店中的其中一道招牌菜
就系加入梦王蛋炮制而成嘅【蕾•釜饭🍚】
饭粒饱满 加上菇菌 话咁快就食完
除咗烧鸟 餐厅当然亦有不少其他拿手串烧🔥
其中一个就系【厚切白鳝】 煎得皮脆肉嫩
绝对系招牌菜之一！
点菜时 店员亦强烈推介【翠肉瓜】串烧
话系名物之一 我觉得出色之处在于调味
重胡椒味 有啲似胡椒猪肚 估唔到翠肉瓜都可以咁惹味😯
佢嘅【牛舌乱切】亦好有特色
将厚厚嘅牛舌切成花形 口感厚实有咬劲 食落好满足
另外亦几钟意佢嘅【墨鱼汁香肠】睇落似韩国血肠
食落更似juicy嘅台湾肠 味道几特别
另外 亦同朋友share咗以下嘅串烧 味道全都几唔错👇🏻
豚肉炒面卷
豚肉生菜卷
炸广岛蚝
酒盗芝士
熟酒酱油渍鲍鱼
鸡肠紫苏虾卷
张贴
