影片
更多
2023-07-24
427 浏览
老公知道我钟意食烤鱼，近来呢度开左间新餐厅，除左食烤鱼外，仲有烧烤同小食等，所以佢就带我黎食。餐厅地方好大，好干净，坐位好宽落，坐得好舒服。外面有杞子菊花茶任斟任饮，晚市仲有冰花放题。我就拣左条沙巴龙趸做烤鱼，另外加左金菇同大豆芽等配料，老公就再叫左串烧同锡纸系列。沙巴龙趸烤鱼：平时蒸就食得多，用黎做烤鱼都系第一次。老公唔食得辣，所以就拣左金银蒜香味。沙巴龙趸真系够晒大条，鱼煎过先去烤。上面劲多蒜头同蒜蓉，入口劲香蒜蓉味道，带DD辣；另外我钟意佢无细骨，肉质比较弹牙同滑。加埋金菇同大豆芽一齐食，两款都吸汁，大豆芽爽口，整体越食越惹味，真心觉得好食。海陆空把把烧 (32串)：点左BB辣，有牛肉、鸡胗、粟米、腊肠、芝士肠同鱿鱼须等，上嘅时候用火keep住热，细细串，容易食，香口，少少辣，好味。卜卜蚬蒜香味：size正常，带鲜味，海鲜配蒜蓉味就最夹。冰花：呢度冰花放题做甜品好受欢迎，见到有小朋友食完又去攞，我都食左两转，冰冰凉凉，几好食。配料都几多选择，有果汁爆珠、西瓜粒、葵花籽同花生碎等，夏天食呢个就啱晒。
餐厅地方好大，好干净，坐位好宽落，坐得好舒服。外面有杞子菊花茶任斟任饮，晚市仲有冰花放题。我就拣左条沙巴龙趸做烤鱼，另外加左金菇同大豆芽等配料，老公就再叫左串烧同锡纸系列。
沙巴龙趸烤鱼：平时蒸就食得多，用黎做烤鱼都系第一次。老公唔食得辣，所以就拣左金银蒜香味。沙巴龙趸真系够晒大条，鱼煎过先去烤。上面劲多蒜头同蒜蓉，入口劲香蒜蓉味道，带DD辣；另外我钟意佢无细骨，肉质比较弹牙同滑。加埋金菇同大豆芽一齐食，两款都吸汁，大豆芽爽口，整体越食越惹味，真心觉得好食。
海陆空把把烧 (32串)：点左BB辣，有牛肉、鸡胗、粟米、腊肠、芝士肠同鱿鱼须等，上嘅时候用火keep住热，细细串，容易食，香口，少少辣，好味。
卜卜蚬蒜香味：size正常，带鲜味，海鲜配蒜蓉味就最夹。
冰花：呢度冰花放题做甜品好受欢迎，见到有小朋友食完又去攞，我都食左两转，冰冰凉凉，几好食。配料都几多选择，有果汁爆珠、西瓜粒、葵花籽同花生碎等，夏天食呢个就啱晒。
张贴
