GALBI TOWN

营业中

休息中

朋友知道我好钟意食酱油蟹同烧肉，今日就带咗我去呢一间喺尖沙咀新开嘅韩国菜，呢度所有店员都系韩国人，一坐低嘅时候就递上不同酱料同小菜，有好多款啱晒唔同人。泡菜酸甜香辣，木耳爽口弹牙，南瓜蓉口感绵密，沙律新鲜爽口，莴笋丝口感爽脆，鱼糕条口感烟靭。呢一个生拌洋葱丝，味道酸酸甜甜，配上肉类一齐食，可以减低油腻感。调味特选牛肋骨肉牛肋骨肉肉味浓郁，食落口感非常软腍，味道带少少甜味。酱油蟹韩国直送酱油蟹，味道刚刚好，唔会过咸，肉质幼滑，口感绵密，蟹膏鲜甜浓郁，真系白饭杀手，唔觉唔觉真系会食咗好多饭。海鲜煎饼海鲜煎饼材料非常丰富，煎饼煎到外面脆卜卜，带有焦香嘅效果。铁板烤牛肉&荞麦凉面套餐烤牛肉肉味浓郁，味道甜甜辣辣，荞麦面质面爽口，加上梨汁味道甜酸开胃。