山水清湯腩

营业中

休息中

行经油麻地佐敦附近见到间新开嘅清汤腩同食面嘅店，见到舖头都几光猛几多人就入去食个夜晚。 舖头环境坐得舒服灯光够光猛，餐牌上面同饭都有唔少选择，价钱系油尖旺区都算系抵食嘅餐厅。炸鱼皮 $20 叫左d小食，呢份炸鱼皮抵食劲多片。鱼片比较薄身，味道几好唔太咸，炸得好够脆身。腐乳通菜 $19另外叫左碟菜食，去亲面店食野通常会叫碟菜食。麻辣白肉 $33呢个白肉片切得够厚身，味道够麻，辣度唔会太过辣，份量面几多。五香牛𦟌担担面 $53担担面汤底几香浓嘅花生酱味，食之前捞底搞混个汤，饮落食落好香。牛𦟌软筋位好多，够淋身唔硬，味道够卤香。面底索起晒个花生担担香味，食落唔油，不过个面相对上煮得有少少太淋。清汤崩沙腩通粉 $62 , 热饮 +$8餐厅标明牛腩牛骨每日都系新鲜，呢碗清汤崩沙腩望落已经够吸引。牛骨汤汤底够清甜香浓，崩沙腩位上面个层嘅腩边位，薄薄一层嘅软胶质感，口感爽脆又唔硬，腩肉位唔肥肉质嫩身。通粉系扭扭粉黎，口感几好，大大碗可以连埋d汤都饮埋。小总结，呢间新开小店睇得出几用心做，食材新鲜又够抵食，难怪咁快咁多人帮衬。