開飯主義

营业中

休息中

约咗个大埔朋友食饭，大明里好多嘢食，逛吓逛吓就见到呢间，出面睇个餐牌好吸引! Cafe格局但系又有韩式炸鸡又有熔岩芝士法包，就一于入去试。入到去睇个餐牌又系不得了！我嘅朋友因为宗教问题唔可以食猪，但呢度都好多选择，完全唔驶担心。最后我地叫咗熔岩面包芝士炸鸡同埋龙虾汁炸虾龙利柳意粉。随餐跟汤同牛角包，好抵。先嚟个炸鸡，类似嘅熔岩芝士我喺韩国食过，呢度嘅味道都不输韩国！芝士可以用嚟点佢个包（系蒜蓉包）同埋配埋嘅薯条，炸鸡系分开用酸酸甜甜嘅汁炸起，有少少干不过味道都ok。但系个芝士熔岩真系好有惊喜。跟住嚟个龙虾汁炸虾龙脷柳意粉。上台已经好吸引，炸虾薄薄的一层炸粉香脆可口，入面龙脷柳加咗厚芝士焗埋，龙虾汁唔算好重龙虾味，反而似一般嘅芝士焗饭嘅味，但佢系配意粉，所以感觉上如果有得配饭就仲正！我地两个女仔，叫两个餐都食唔晒，因为净系个熔岩芝士已经又芝士又炸鸡又薯角又沙律，又好味又抵食。