桃苑粥麵茶餐廳 (已結業)

寻晚一条友食dinner, 又唔知食咩好, 于是谂到呢度咪决定去睇下呢度今晚有咩食啰, 谂住如果唔就走头, 点知又好似食, 咁我咪入去坐底啰, 其实之前都黎过呢度几次, 印象都觉得几好, 地方算大环境算干净, 食物质素唔差, 做饭堂一流架!坐底二话不说就叫左个快餐A, 咁个快餐A系粟米肉粒饭, 呢个饭亦都系我最钟意其中之一! 快餐有餐汤, 仲要系中汤, 佢地日日煲, 算系老火例汤冇咩味精架! 粟米肉粒饭都要等差唔多五分钟, 老实讲佢就真系算耐左少少, 但系有原因架, 因为佢地系即叫即煮, 唔系一早煮定架, 所以个饭黎到系热辣辣, 粟米肉粒同饭系分开上, 而粟米肉粒系用黄粟米汁仲有少少蛋花, 唔系白汁黎架, 黄粟米汁感觉清d冇咁廉口, 而粟米好甜, 肉粒份量算够, 一d都唔硬唔韧, 都几好味!而呢度杯餐杯亦系一绝, 奶茶又香又滑, 柠檬茶系底够唔会太苦太涩但又唔会太清冇晒茶味咁, 好正呀! 其实呢度都几抵食架, 快餐都系$25而冻饮都系加$2! 试过黎食下午茶餐, 有咸蛋叉烧饭, 都系$18仲有餐茶, 都几好味架! 呢度真系粥粉面饭样样有, 连牛什又有, 茶又香又靓, 净系黎叹茶都可以啦