東園餐廳小廚

营业中

休息中

工作中，四围去，随时都有惊喜，去未试过嘅餐厅食饭，今日去到元朗，同事贪呢度有提供车位，可以安心食饭，一排餐厅向我哋招手，拣呢间因为招牌新，门面比较四正，入内虽然无乜装修，但叫做有用心，桌子有用枱布！店员指示坐店内四人位，墙上贴满餐牌，店员好爽手咁帮我哋落单马来炒贵刁：卖相已经唔好，唔够干身，咖哩粉唔均匀，虽然河粉本身好，唔粉有咬口，配料唔多，最多芽菜洋葱，其他都唔多，最后当然食唔晒！例汤：跟餐送嘅未必唔好，呢碗就系好例子，汤够浓够甜，而且汤料用足，平时唔喜欢饮中汤嘅我饮晒！大支装可乐：如果有细支会好啲，饮唔晒！玻璃樽存气，好味！店员亲切，收拾兼比钱爽快！