東園餐廳小廚

营业中

休息中

東園餐廳小廚 (元朗)元朗上村錦田路10號地舖鼓椒炒聖子$98豉椒炒是經典的廣東菜煮法，豆豉的香味加上燈籠椒的甜味，配搭海鮮或肉類都惹味非常，這次用來炒蟶子，更可帶出蟶子的鮮甜味呢。大大嚿的蟶子肉鮮甜又爽口，吃得夠爽快！黃金大蝦$90每次去食大排檔都忍不住點黃金蝦，因為它帶有陣陣的咸蛋黃味，加上新鮮的蝦，味道非常配合，令人忍不住食完一隻再接一隻！蝦大大隻，肉質新鮮！香煎大紅衫 $95煎紅衫魚，就會想起蕃茄煎紅衫魚。但經常煮都會想轉一轉，其實這個薑蔥豉油煎紅衫魚都一樣好味道，一樣好下飯呢!!椒鹽鮮魷 $70椒鹽鮮魷是大牌檔常見的菜式，炸至酥香的魷魚配合蒜頭、乾蔥、指天椒的香辣味道，令人食指大動。

復活節假期，難得天陰陰又涼爽，去了大欖行去雷公田再返去上村諗住搭車返屋企，見到有幾間餐廳，順路入去食個晚餐。青紅蘿蔔豬骨湯雖然叫例湯，但十分足料，味道清甜。紅酒燴牛尾牛尾炆至肉質鬆化，中間筋位帶點咬口，老闆話全部都用新鮮牛尾，所以完全無騷味，紅酒汁更是有肉鮮及蔬菜甜香，味道濃郁，送飯一流。西蘭花炒斑球斑球肉厚且無骨，每啖都厚肉，炒得都幾嫩滑。豉椒炒蟶子蟶子無沙且爽口，鮮味則一般，不過勝在豉椒味濃香，正好蓋過其不足之處，不過炒得好夠鑊氣。整返支大可樂補一補。

估唔到一個小小嘅停車場以及商舖就有咁多美食🙃🙃🙃而呢個地方叫上村。今次去左一間舖面比較懷舊食下午茶，食下午茶並唔係一定要揀酒店嘅下午茶，有時懷舊下午茶都可以好好食。意想不到小職員態度好溫馨而且好溫柔，我覺得咁樣先係港式下午茶。望一望餐牌有好多特色嘅小食及常餐。例如三文治🥪火腿三文治等等。各適其適只要係一般茶餐廳要嘅食物喺呢度都可以搵到😋今次我就嗌咗薯條雞翼配凍檸茶~~~~ 因為本身我好鍾意食薯條我對薯條都有一定嘅要求。而佢係比到我想要嘅薯條又粗身又長，而且炸雞翼火候啱啱好唔會太燶而吸收晒水份。🥰🥰🥰不過凍檸茶就略嫌淡咗少少😗總括而言都有80分

由於今日要去大埔搞d野，同老公返屋企時途經上村球場，老公提議難得可以早走，緊係去食下午茶啦。原來上村都有3，4間餐廳，食客應該都係住附近嘅村民，大家都好悠閒地食下野，傾下計，雖然並不是甚麼5星級酒店high tea,冇靚景，亦冇華麗嘅裝修，但豬都幾喜歡呢種寧靜小村中的茶餐廳，因為坐喺度總會有一種旅行閒遊嘅感覺，可以好奢侈地花費時間。豬覺得呢度嘅食物稍貴，但好彩味道唔錯，都唔會覺得唔抵食。我地叫左吉列豬扒薯條，同公司三文治。本來我想食西多士，但唔知點解發雞盲，睇唔到有 ，到最後叫咗野食嘅時候先發現有，太遲喇。不過算啦 ，下次黎再食過。吉列豬扒嘅吉列皮唔會好厚， 而且炸得好好唔會過火， 豬扒冇乾爭爭，能夠保持肉質鮮嫰多汁，味道做得唔錯， 配上水果味嘅沙律醬，甜甜酸酸幾醒胃。而炸薯條香噴噴脆卜卜， 表皮做到好乾身，但薯仔肉又唔會食到好口乾。大大件嘅公司三文治，面包烘到脆脆的，牛油味香濃，有火腿，炸雞扒，蛋牛，芝士，番茄等，材料相當豐富！如果加杯紅豆冰，咁就實在太正喇，可惜我叫左凍檸茶🤣

$433做到晚上9點幾先食飯，好在附近仲有呢度嘅餐廳未關，去到唔使等位，第一次來呢度晚餐，坐低即刻叫小菜，店員都好努力介紹！食物好快到！椒絲腐乳通菜炒牛肉：腐乳汁鹹香好味，通菜爽口，牛肉片幾滑！撈飯一流！紅酒燴牛尾：煲上，熱辣辣冒晒煙，牛尾骨大塊，肉好淋，紅酒汁幾香，紅蘿蔔入味！好味！西蘭花炒魚菘：西蘭花爽口，魚菘彈牙，炒完有薄薄嘅汁，清爽好味！鹵水拼盤：估唔到係排幾行，好整齊咁上！紅腸彈牙，牛𦟌彈牙有𡁻口，蛋太熟，蛋白比較硬，蛋黃太粉！鹵水唔會太鹹，微鹹好味！蘿蔔牛腩：熱辣辣，煲仔上，牛腩牛筋好好味，牛腩淋身半肥瘦，牛筋又淋又彈牙，柱候醬好濃！但蘿蔔就差啲，佢無澀又幾甜，但完全無柱候味，感覺似灼完就放入煲撈一撈！所以吸唔到味！牛腩好味！椒鹽鮮魷：賣相好靚，有好多炸蒜加青紅辣椒絲，鮮魷炸得乾身，炸衣脆又鹹香，唔使點喼汁都夠味！好味！支裝汽水：大支裝，店員嘅賣點係好抵飲！配鹹香小菜，好夾！白飯比較硬！大家本來無乜祈望，估唔到做到夠鑊氣，好香口，鹵水又唔錯！不錯！不過我哋坐水吧前位置，無冷氣，大家都好熱，我忍不住叫咗汽水降溫！小菜幾好！可以一試！

工作中又到下午茶先食飯，今次又去到呢度食飯！大家都好肚餓，坐到門口圓枱！嗱嗱聲落單！食物好快到！濕炒肉片河：好多獻汁，好多肉片，肉質唔韌，菜心爽脆，河粉無兜過，已經漿住咗，要自己兜鬆先可以食！河粉唔夠滑，味道好普通！支裝可樂：夠汽好味！司華力腸拼薯條：同事食豬扒包：同事食，店員話無法包，所以問咗同事轉咗用三文治！日式炒烏冬：同事食，炒得幾靚！涼瓜肉片飯：同事食凍檸茶：同事飲熱奶茶：同事飲凍咖啡：同事飲女店員豪爽型，雖然無乜服務，唔廢話嗰種！

食到一肚火，食物一般，同行四人，叫左個雞扒米線，好淡。餐蛋麵係正常，冇特別，炒烏冬好油，食物價錢50蚊個餐，又唔係貴，但態度極其惡劣。。一定唔會再去，唔休做咁，請我都唔食。擇依度食見佢門面比較新，以為食物同服務質素會好D,點知係最差一間，隔離的茶餐廳好佢十萬倍，發左達唔想做，已經食左2次，2次都係食完好唔開心，第一次以為係咁唔好彩，第2次都係咁，好明顯係d人的問題，食過咁多間餐廳都未試過咁不滿，亦未試過因為服務blacklist 某間野，俾錢黎食野，唔係黎受氣，仲要睇老闆面色。伙計態度都好過老闆，真唔明點解仲做得住？

工作中，四圍去，隨時都有驚喜，去未試過嘅餐廳食飯，今日去到元朗，同事貪呢度有提供車位，可以安心食飯，一排餐廳向我哋招手，揀呢間因為招牌新，門面比較四正，入內雖然無乜裝修，但叫做有用心，桌子有用枱布！店員指示坐店內四人位，牆上貼滿餐牌，店員好爽手咁幫我哋落單馬來炒貴刁：賣相已經唔好，唔夠乾身，咖哩粉唔均勻，雖然河粉本身好，唔粉有咬口，配料唔多，最多芽菜洋蔥，其他都唔多，最後當然食唔晒！例湯：跟餐送嘅未必唔好，呢碗就係好例子，湯夠濃夠甜，而且湯料用足，平時唔喜歡飲中湯嘅我飲晒！大支裝可樂：如果有細支會好啲，飲唔晒！玻璃樽存氣，好味！店員親切，收拾兼比錢爽快！