丼造

营业中

休息中

上环有间小店主打多款性价比高嘅丼饭，外卖为主，亦有少量堂食位置，估唔到平日晚上都Full。食物方面有刺身、寿司、手卷、卷物、另附上前菜同汤品，口痕食吓都唔错。极上粒粒鱼生丼，有齐多款经典嘅食材，海胆、三文鱼、吞拿鱼、三文鱼子同蟹子。海胆入口即化，鲜甜浓郁，有大海嘅味道、三文鱼同吞拿鱼切成一粒粒，前者有油花，入口软嫩、后者带咬口，无腥味，搭配爆浆嘅粒粒三文鱼子同蟹子，捞埋饭粒，正呀！如果唔食得生冷嘢，呢度都有啲熟食可以拣。私心推介牛丼，一片片长条形，鲜嫩多汁，值得一赞系个酱汁，完美地捞匀成碗白饭，味道香浓而不腻，上边仲有个温泉蛋，整体搭配好夹，性价比高，绝对值得一试呀。