凱施餅店 (已結業)

一向有买开凯施饼店既面包同滑滑热奶茶做早餐，今日Tea time 就买左新鲜出炉既蛋挞同鸡批试下。蛋挞 (hk$6.5):热辣辣新鲜出炉，d蛋胀卜卜甘，鲜黄色劲吸引，卖相非常吸引，而且个个size都好平均, 个个都好饱满。食落去蛋味浓而不太甜。酥皮饼底有点点脆，非常香口，入口新鲜好味。鸡批 (hk$13):同样都系热辣辣新鲜出炉，外皮既批焗得非常香脆，阵阵鸡批香味，咬落去有好多好多鸡肉馅料，个批底同样焗得香脆可口，美味非常，以亲民价格13蚊来讲，真心抵食。另外仲买左绿茶红豆面包，面包都非常新鲜，包既质地亦十分松软，入口亦不会太甜太腻，做早餐很是不错。