凱施餅店 (已結業)

一向有買開凱施餅店既麵包同滑滑熱奶茶做早餐，今日Tea time 就買左新鮮出爐既蛋撻同雞批試下。蛋撻 (hk$6.5):熱辣辣新鮮出爐，d蛋脹卜卜甘，鮮黃色勁吸引，賣相非常吸引，而且個個size都好平均, 個個都好飽滿。食落去蛋味濃而不太甜。酥皮餅底有點點脆，非常香口，入口新鮮好味。雞批 (hk$13):同樣都係熱辣辣新鮮出爐，外皮既批焗得非常香脆，陣陣雞批香味，咬落去有好多好多雞肉餡料，個批底同樣焗得香脆可口，美味非常，以親民價格13蚊來講，真心抵食。另外仲買左綠茶紅豆麵包，麵包都非常新鮮，包既質地亦十分鬆軟，入口亦不會太甜太膩，做早餐很是不錯。

今天午餐時段，有要事處理，未能如常地到餐廳享用午餐。事情辦妥後，唯有到附近快快脆買個小食充飢。在遊客眾多的漢口道，看到這家的麵包店，一於入內看看有什麼好東西。價格還算實惠，而且都是香港口味的包點。發現有喜愛的丹麥條，一於夾一件，盡快付款，然後到九龍公園慢慢享用。　　丹麥提子條   真係很久很久未曾嚐過丹麥條，知道這包點，跟牛角酥的結構很相似，都是多層結構。心知要把麵糰變為層層結構，會使用什麼方法，真係好邪惡呀！不過也敵不過＜心痕難耐＞＆＜為食＞。　在公園打開膠袋，準備享用時，才覺得丹麥條比較幼細，只有二隻手指公的濶度。但長度卻增加了！　就算入袋時變得彎曲，丹麥條也没有斷裂。　亦因為又窄又長，可以一口一口地享用，保證有儀態。不過丹麥條比較軟身，酥皮層數不算太多，不算太明顯，也不太硬。只是頭段尾段稍為脆身。整體鹹中帶甜，還有提子乾的酸。　今天只需9.5元，就完成一個快捷的午餐，真係好抵！難怪早上的排隊人龍，是排到出店門。

早前發現凱施除了酥皮蛋撻和奶茶之外，有另一樣東西都幾好吃的，就是這個紅莓提子鬆餅了。＄６一件，個子不小的，所以價錢都合理。一拎上手就聞到牛油味幾香，內內外外都不乏紅莓和提子，幾足料的～餅面味道少少甜甜地，夾雜提子和紅莓一齊食甜度也剛好，不會太甜膩。而鬆餅另一重點就當然是其口感呀，這個鬆餅的口感亦都相當唔錯，鬆餅餅身做得好鬆脆，入口唔乾身又唔會硬～如果是碰巧出爐時買來吃的話就一定更加美味！不過美中不足是，離開了餅店之後才發覺自己忘記買埋他們支奶茶，用這個鬆餅送奶茶應該會令這頓下午茶更完美的。。。～

凱施的酥皮蛋撻是我一直喜愛的，酥皮鬆化而且牛油味香，蛋漿部份亦好香雞蛋味，不過今次拎回家吃時唔小心大力咗fing散左少少撻皮，所以搞到賣相唔係幾好睇～不過味道仍然是好好吃的！之前試過買其他餅店例如櫻桃和聖安娜，都覺得不如凱施的蛋撻好吃。今次還買了他們的港式奶茶試飲，味道都唔錯呀，奶茶質感幾滑，奶茶味都好香，同埋感覺比在便利店買的奶茶較健康，因為樽上的包裝寫了沒有加防腐劑和人造色素，可以再買。期待他們會唔會出埋檸檬茶是日酥皮蛋撻配上奶茶真是完美的下午茶～