盈苑

营业中

休息中

今日想推介畀大家非常好食嘅港式点心餐厅，呢间餐厅嘅环境宽敞，座位舒服，服务亦都十分周到，系一间值得大家嚟饮茶食点心嘅好地方。个人特别推介以下几款点心，包你食到津津有味💛小鸡咸水角💛外皮酥脆带甜，馅料咸香软糯，外甜内咸，味道好夹，非常好食。🧡蛋黄莲蓉寿桃🧡香酥嘅包皮入面包住香甜嘅莲蓉，中心系一整粒咸蛋黄，外皮酥脆之中带有柔软清甜同埋咸香油润嘅味道，正~🤍晶莹鲜虾饺🤍透明嘅外皮晶莹剔透，口感滑溜柔软。鲜嫩嘅虾仁爽滑鲜甜，咬开𠮶阵可以感受到鲜美嘅汁液。🩶鲍鱼凤眼饺🩶凤眼饺皮好有咬口，鲍鱼肉口感弹牙，鲜嫩爽脆，每一啖咬落去都系浓郁嘅鲜甜味。🤎香煎芋丝夹🤎外皮香脆诱人，芝麻香脆饼夹住芋头嘅粉香，食落去味道清甜爽脆，非常美味。