來發館粥底海鮮火鍋 (已結業)

秋风起又系时候打下边炉，第一次试粥底火锅，真系要睇埋个餐牌先知点食，但店员都好有心机咁讲咗一次。1. 先食海鲜 2. 放入汤底配料 3. 拣6款边炉配料 4. 食完肉类后加入粥底5. 大火滚就食得粥一来就有好多海鲜！2-3人有6款海鲜，包括鲜虾，膏蟹，蚬仔，鲍鱼，蛏子，鱼肉。好丰富呀！最重要既系只蟹仲郁紧架，超新鲜呀！仲要好有心机咁摆得好靓。超有气势，另外同时亦准备好了汤底配料，有南瓜粒，芋头粒，菜甫粒同埋甜粟米。第一款：先来了点虾，我们有3人，每人有2只虾。就算唔沾酱油都可以食到虾既鲜甜同埋肉质爽口，系新鲜虾！第二款：跟住我就忍唔住要落蟹啦，因为见到仲郁下郁下，非常新鲜！仲有好多蟹膏Tim ah, 熟咗之后d蟹膏更香更有口感，每只蟹都有唔少蟹膏，食左一啖之后都仲有好多膏，甘香！而蟹肉亦都系一梳梳，蟹味十足，鲜甜！第三款：之后陆陆续续食其他海鲜，我觉得蛏子真系超级好味，好肥美，鲜甜，肉质弹牙，每人得一只，但好大只，到依家都仲回味紧。第四款：鱼肉亦都系有质素之选，睇落平平无奇，食落又滑又厚肉，鱼味香浓，正。第五款：蚬要好食最紧要系甜，呢度既蚬唔大只，但好鲜甜，超正，美中不足都系有少少沙。