來發館粥底海鮮火鍋 (已結業)

而家興食打邊爐 一大班人食野要加埋個粥底呢間出左名食海鮮 呢到食套餐既價錢睇人數預海鮮份量呢到4個人已經有咁既份量 唔簡單呢😯😯😯啲海鮮話新鮮應該無乜人信 但如果你現場睇到佢地郁郁下就知有幾鮮呢啲蟹仲要隻隻都有咁上下既膏 🦀🦀🦀食哂海鮮 最後當然要食埋個粥底喇 你睇啲粥吸哂啲味 海鮮既精華係哂到 我地每人都食到2，3碗 當然如果大家覺得唔夠食 可以加其原野 套餐組合其實都有包幾樣小食同菜 只係黎呢啲地方無理由食其他咁浪費

同你都係會食D清清地嘅嘢今次選擇了粥底火煱，唔會似我平時食嗰D超濃湯㡳但多了海鮮嘅鮮味，原來粥底係咁正嘅，仲有埋大字報教你點食係最滋味㗎每位$218 已經有六款海鮮，配料再選六款二人份量亦好足夠，而且都係新鮮㗎隻蝦腳仲跳跳吓，超淸淡嘅粥水底加咗呢盤海鮮點會唔鮮味呀隻鮑魚都唔細㗎，而且好彈牙最後食埋個海鮮粥完滿嘅一餐

海鮮粥底火鍋我首選除此家, 不出其右。由198食到現時218, 配料齊全(各款醬料,連菜甫, 芋頭, 南瓜粒)之餘, 火鍋料6款任揀夠豐富, 只要跟足建議一定食到餐豐盛的海鮮宴😄重點的海鮮拼盤一貫無欺場, 生猛識郁的膏蟹同多實魚例牌有, 唔係有某x哥, 龍x大王咁俾普通魷魚鯇魚就hea😰!ps: 場內冷氣開得比較大, 女士記得著多件外套先入座。

平心而論,$218有八款海鮮其實相當抵食食材其實都幾新鮮，可惜環境衛生真係實在太差一坐低無耐己經有唔少細既飛蟲係張枱上面飛黎飛去本身都由佢，但係食食下竟然有曱甴爬出黎先係係牆上面有一隻，我地殺完無耐，跟住又另一隻爬上張枱度同職員反映翻件事，但係佢地都係聽完就算，講太full無位換俾我地，跟住就當無事發生過我地仲邊有心機再食落去丫，結果都係拿拿臨埋單走人講真出街食飯都預左唔乾淨，但係最起碼都保持店面清潔丫就算食物再好再抵食都無用啦，食食下有曱甴爬出黎，仲邊敢再黎食丫

一個月黎一次來發可想而知有幾抵食 粥底火煱$218免加一原來有教食客唔同海鮮既最佳烹調時間上次黎食都無發現到仲有烹調海鮮粥既步驟今次都係三人行 蟹依舊多膏 鮑魚依舊大隻食到咁上下黎埋配料同粥膽粥膽吸曬海鮮同配料既精華 加埋芋頭粒 南瓜粒等等 熬成一煲吸盡海鮮同配料精華既海鮮粥！但食落好似咸左d...

出邊食餐粥底火鍋，閑閑哋都要四百幾五百幾人頭落樓，終於比我遇上一間平靚正嘅餐廳，二百頭埋單！望鋪頭門面係會令人卻步，如果唔係阿哥大力推薦，我都唔夠膽入去食🙈點餐玩法係海鮮套餐，可以揀選白粥粥水定係蕃茄薯仔湯底，我建議係鍾意先苦後甜嘅就揀白粥粥水，因為最尾嘅海鮮鮮味，會響粥底完全發揮到極致。鍾意先甜後苦嘅就揀蕃茄薯仔湯佢可以將提鮮，將海鮮嘅鮮味提升到另一個層次😋但煲粥底嗰陣就會俾蕃茄味搶晒海鮮味，所以兩個粥底都係矛盾嘅選項🙈個人進餐建議係先食蟹，令蟹膏嘅鮮味溶響湯中，打後嘅海鮮都會充滿咗蟹膏味😋如果想食清每一款海鮮嘅味道，應該就將蟹放到最後，但食到中段已經飽飽地，所以我寧願將最精彩嘅海鮮放到最前😆

心血來潮想食海鮮就經朋友推薦去食。價錢方面$218全包免加一。仲有罐裝飲品任飲。首先會用粥水蒸蒸海鮮,d蟹超多膏,其他海鮮份量都正常,主要跟人頭數目而比。食完海鮮就點配料,2-3個人以下可選6樣,4個人以上可選8樣。配料食完之後就會加粥底, 其實食完海鮮+配料都夠飽,再加埋個粥底真係大滿足。個侍應驚我會煲燶底所以都不斷幫我搞個粥底。如果嚴打邊爐太單調,粥底海鮮打邊爐都係一個唔錯選擇。一次過滿足晒三個願望。

今次三人行 因為有人提出好想一試粥底火鍋 所以openrice之下search到呢間好評尤高 價格又唔太高既來發 假日即刻book位有枱！lets go~去到似茶餐廳咁 218包7-8款海鮮海鮮 粥底配料同6款自選火鍋配料 登登～人頭海鮮是這樣的見唔見到d蟹勁多膏 鮑魚好大隻！因為食得太興奮所以無影到餘下既相 但真心推薦各位到來發 比出面平既粥底火鍋 又免收加一係邊搵

這裡的海鮮新鮮，可揀粥底或蕃茄薯仔湯底，但一般通常都是揀粥底火鍋。2-3位有6款海鮮，4位以上有8款海鮮，大大的一碟海鮮，超新鮮啊！還可另選6款的火鍋配料，唔夠食還另有其他選擇可加單。價錢都係每位$218，還要是飲品任飲。不過美中不足的地方就是，地方較擠迫。如要食還需要訂位。食到差不多，店員會攞粥膽來，可煲出軟綿綿又充滿海鮮味的粥。

火鍋食得多~近年興起的粥底火鍋一直想試，終於一試了～～（（興奮︿︿））如果坐地鐵，太子比較近～我從旺角走過去也不遠雖然訂了８：３０，我們一行７人～～可能因為要等大桌，８：２０到了也要再等１５ＭＩＮＳ左右～有時間就看看粥底火鍋的食法我們４人以上，會有８款新鮮海鮮至於湯底方面，正常一定是粥底吧～但我們有２個爐，另一個就試了蕃茄湯底蕃茄湯味不算濃～用來放肉類丸類也不錯這是粥底用的湯，先用這湯吃海鮮～差不多吃完再加入生粥膽豉油配料可自行調味重點來了～～～超有份量的～～～～）））０（（（一看到不禁。。。。嘩有帶子、蝦、鮑魚、聖子、蟹、北寄貝、象拔蚌仔，還有幾款不同的蜆蟹很多很多膏～～而且蟹肉也是實肉的～連蟹腳也可以食到～很香膏味，蟹肉也很鮮甜鮑魚上桌的時候還會動～～～我們８：４５才入座，但海鮮依然全都很新鮮～～～蝦爽口彈牙～帶子、聖子很鮮甜～也沒有沙（（這個十分重要！））另外再自選６款火鍋配料７人份量有足足一整碟３碟香軟的豚肉～～～好吃～～火鍋當然少不了肥牛～芝士腸也是靚的芝士腸（（大概很多火鍋店的芝士腸都比較。。。。你懂的︿︿）蔬菜選擇不多～所以我們叫了金菇個人覺得這個是必點～花枝丸超彈牙～～

天寒地凍，最好就跟好友一起烚烚下。 近年潮興粥底鍋，令打邊爐的食法更多元化。 原來食這類火鍋好講落料的次序:先落海鮮-->芋頭南瓜-->火鍋配料-->粥芯 來發館的粥底鍋以海鮮作主打，我們二人食有6款海鮮很大盤~~賣相已經好吸引有蝦、蟹、帶子等........很新鮮 蝦好大隻，肉質彈牙鮮味其他海鮮都很新鮮，帶子比5蚊還要大，蟹又多膏YUMMY 烚完海鮮就要加入以上配料，令粥底更濃郁，味道更豐富 然後到火鍋配料，雖然他們是配角，但質量一點也不馬虎。 牛肉和豚肉很好味，烚完都沒有縮水 芝士獅子狗內有很多芝士汁，好CREAMY 有些人會在烚完海鮮就放粥芯，不過我們就食完所有配料才落粥芯非常綿滑的粥，啖啖都是精華

朋友見到食評不錯，所以今晚來試下！食法似某粥底火鍋......首先以粥水煮海鮮食....海鮮有蝦、帶子、鮑魚、扇貝、聖子、蟹、花甲、沙白、北寄貝、象拔蚌仔！海鮮還可以，只是帶子有點點臭味，貝類有點沙......之後食打邊爐.....配料可選6款，我們選了...手打牛丸：味道不錯，彈牙手打墨魚丸：普通墨魚丸肥牛（冇影相）：超薄又鞋豚肉：反而不錯雞件（冇影相）：一般午餐肉：粗條又不差最後.....食粥.....把粥底及栗米、大頭菜、南瓜等...材料加入粥水內煮至入味，由於煮了海鮮及肉類，粥底基本上已夠味，當然有少少味精啦，因為食完有點口渴！環境真的超級差，店內坐位超迫，基本上是背靠背！地面超污穢又有油又有水！我們被安排坐在近廁所廚房的走廊位置，感覺超差！2人枱面超細，放上已佔枱的一大半位置的電爐，枱面已冇乜位，所以加了張枱仔比我們放食物，但由於走廊有點窄，枱仔有1/3是推入枱底下面，即是貼住我既腳，仲有時員工推車仔行過，張枱仔又會撞到隻腳！唉.....由於太多人出入，每次有人行過，我都怕他們啲衫掂到我們啲食物，又怕他們洗完手啲水滴到落食物上！我們背後是放污穢碗碟的盤，不時有小飛飛！仲慘是每

天氣凍凍的，2個人吃什麼好？ 走到家附近這間粥底打邊爐，想起真得很久沒有吃過，就走進去吃。 價錢還好，HKD198/位，材料有海鮮，比吃日式放題吸引，最重要天氣涼涼打邊爐最正啦！ 套餐包了每人海鮮數款，當日我們有鮑魚、蝦、魚、聖子、蟹、蜆，想吃的都有，海鮮盤來到非常大盤，目測還滿新鮮的。 蟹非常多膏，蟹肉夠甜，蟹膏也很香聖子大大條，爽口又彈牙今次雖沒有配蒜，但加上簡單的調味醬料已非常可口蝦及鮑魚很爽，新鮮好吃；蜆肉很甜；魚肉味道不錯其他配料我們還任揀6款：點了豬、牛、雞、2款丸丸、魚頭食材份量剛好每人2片2塊，我覺得肉質都很嫩，配上剛剛煮過海鮮的湯底，味道很鮮。 吃過所有的火鍋料之後，我們還有少量配料 (南瓜、栗米、芋頭、瑤柱等等)及半熟米，一起放進湯底之中。 大火滾熟之後，再打圈撈一撈，變成很綿的粥了。 吃下去有栗米南瓜的甜，有海鮮的鮮，有魚有肉的惹味，好吃的永遠都放到最後所以說，2個人都可以打邊爐，而且可以吃得很豐富。 

天氣突然轉冷，心血來潮突然好想打邊爐，無意中發現了來發粥底海鮮火鍋！初初以為餐廳平平無奇，誰不知也帶來了驚喜。入到餐廳服務員10分好態度，餐廳需提早預約，但即興的我又怎會預約，心想又要等很久，估唔到服務員可以盡快幫我地安排座位仲安排左卡位添！餐廳夜晚主要嘅食客都係以火鍋為主！當然我都選擇咗海鮮火鍋餐！兩至三個朋友會安排六款特定嘅海鮮同六款嘅自選菜色；揀咗黑豚肉、肥牛、手打墨魚丸、鯪魚肉&日本蟹柳。個人應為海鮮非常新鮮！鮑魚、蝦仲喺度郁嚟郁去！$218有咁新鮮都算係咁啦！餐廳開始有講明食咗海鮮再食肉類最後食粥底！服務細心！個人認為食物質素不俗，初初以為份量好少，但估唔到食完之後都好飽，特別欣賞手打墨魚丸和鯪魚肉，彈牙得黎有好香的魚肉味，真係冇諗過一間小餐廳都可以做到咁高質素，最後食埋入哂海鮮精華嘅粥底真係唔錯架, 好滿足！個人認為日後可以再幫襯。

今朝去呢間野外買早餐，正當我坐係度等的時候，有個女侍應用d好唔好的態度同我講: 呀小姐你坐對面啦，係度阻住哂！即時著咗火，黑哂面，你放得張凳係度就預左俾人坐，你家下咩態度？平又點？咁既九流態度以後都唔會幫襯！呢間茶餐廳有呢d咁的所謂員工簡直係倒米！我去隔離呀叔嗰間雖然貴，但人地態度好十倍！如果唔係趕住返工，我真係同佢噪完之後要求退錢！