煜焙軒 (已結業)

收工约埋班朋友去食刺身打边炉，地点好方便系始创对面，好就脚。等朋友个阵啲炸物新鲜即炸，热辣辣上枱。之后齐人就上啲刺身劲新鲜，象拔蚌同三文鱼刺身出色。食完再打边炉，汤底正记得饮碗先开始落配料，推介蕃茄花甲海鲜汤底同鱼头汤 啲虾滑又好弹牙 猪肉唔同平时任食个啲，带有口感同猪味。响铃店员话即刻炸出黎，出平时出面舖头同屋企食个啲完全唔同味，加埋蕃茄汤吸晒啲汤，正上加正。 店员服务都一流有礼貌，亦好关心客人口味，照顾周到。