豊勝手丼 (已搬遷) 新店位置

行开铜锣湾呢头，今次发现左间几正嘅日式居酒屋小店，见门面介绍唔错，决定试下新野。餐厅门口贴有好多证书，可见佢地选料严谨同用日本直送海鲜，质素有保证。餐厅menu选择亦非常丰富，主打鱼生丼，卖相十分吸引。我叫左份寿司并盘set，上面嘅鱼生富有亮丽光泽，灯光下睇非常吸引，教人食指大动。寿司饭同鱼生比例恰度好处，刺身亦好鲜甜，入口即融。最值得欣赏嘅系呢个并盘包含嘅寿司款式亦非常多元化，满足晒有选择困难症嘅我。另外，餐饮我点左时令白桃梳打，桃味十足，芳香味道扣人心弦。经开铜锣湾一定要黎试下呢间日式居酒屋，包你满载而归。