一寿司 (已結業)

友人赢了韦达骑师王，话约出来食饭贺一贺佢，夜晚佢就唔得闲就约我星期六下午﹗来到尖咀，左谂右谂都唔知食咩好，最后佢话好想试下一寿司，就来食大佢﹗星期六的三点时间，人客得几个，找了个中间的回转枱就座。有个大鱼缸在bar枱后，靓系几靓，不过好似得几条鱼咁既？有几样季节限定，一于试下，先说五色寿司，有只叫做毛茄寿司，口感十分之核突，有点似肥猪膏的感觉，我就真系顶唔顺，什么都吃的友人就叫座叫好﹗这儿的蟹棒味道不错，大条得来够味道，虽然知道是蟹柳之流不过食得过﹗三文鱼寿司色水分明，够香软糯，好吃﹗带子几大件，入口亦软熟，可惜味道不够浓。炸鲭鱼仔好腥，我唔识食﹗和牛寿司第一次食，和牛是打成免治状的生牛肉，牛肉味虽未算浓却新颖有趣，值得一试﹗无饮野埋单食左成三百蚊，一寿司的味道在板长之下，当然比元绿好了﹗