一寿司 (已結業)

好耐未食過一壽司，咁岩行過尖沙咀分店見到無人排諗住食啦⋯⋯點知，明明入面有位，但企左成十分鐘都無人帶位入座落單- 當然又系填完表等極都無人理，而且唔會覆單壽司都仲keep到水準，但啲飯無落壽司醋同硬左啲....啲師傅又壓舊飯壓得實左啲以前去一壽司就系為左個玉子燒，當然要叫啦....點知個玉子燒錯晒....燒老左質感超鞋，仲要搵醬油汁夾硬遮住個面環境方面，可能我坐出菜位呱，見住啲壽司放系度成15分鐘都無人傳菜，即刻覺得唔多衛生，胃口都無埋如果黑夜壽司半價，令食物同服務都差咁多既話咁一壽司就真系完全low grade 左自己

以前好鍾意食一壽司深夜時段，因為有抵又好食，但係由於深夜時段提早至六點，質素開始下降，其實呢個質素未必值得排隊去食一壽司。首先講下啲刺身，唔係好新鮮，帶子一啲都唔鮮味，吞拿魚好多筋，最大問題，係啲冰，啲冰未上就已經融化，我哋食到一半，已經係水浸刺身!接住落嚟就係講觀覽，壽司入面我最鍾意食軍艦，原因有蟹子、三文魚子等等！但係啲飯係熱嘅，三文魚子係腥嘅，紫菜係林嘅，加埋起嚟就係負分！呢個海膽，食落去口感豐富，加上火灸燒，感覺非常良好!呢個芒果沙律非常失望，因為芒果好酸，沙律醬唔夠，無咩蟹子！減分！

黑夜壽司-第一時間就諗起一壽司，雖然依家唔使等到10點先有得食，但我9點幾去都仲要排一陣，排緊隊既時候仲發現佢淨係做到12號，以後要去旺角先有得食lu食物水準尚可，特推炸生蠔，夠哂香口！

今日去尖沙咀行街，行到肚餓又諗唔到食咩好....見到一壽司門口寫住6點就開始黑夜時段，同埋門口寫尖沙咀分店9月內就快要搬，所以諗都唔諗就入左其實呢間一壽司我都食過好多次，老實講，次次既質素都大起大落......所以一直無寫食評今次寫係想記低呢間曾經出現係尖沙咀既一壽司左上：火炙三文魚壽司左下：火炙汁燒三文魚腩壽司右上：珍寶帆立貝壽司右下：美人魚壽司兩款三文魚壽司都唔錯，差唔多每次都必嗌黎食。但今次既三文魚腩唔算肥，魚油既香味亦唔多。另外兩款亦屬一般水準，唔係特別鮮甜。左上：蟹糕蟹肉軍艦右上：海膽軍艦中下：蠔軍艦上面兩款都保持水準，個蠔今次有驚喜，好大粒亦都好肥美今次對個火炙左口魚群邊壽司好失望如圖所見，見到飯係面... 左口魚唔見左一大半....係食過咁多次以來最差既一次！另外，今日既炸物亦都一般，火舞蜘蛛入面既軟殼蟹竟然係凍既！唔知係咪d店員知就快要搬，所以做野無心機，令質素差左...希望遲下尖沙咀可以開返一壽司，同時質素會愈做愈好啦

上星期放工約朋友食飯，諗左好耐唔知食咩好。 最後決定去一壽司食黑夜壽司， 重溫青春時光。 依家食黑夜壽司真係好方便，6:30已經開始， 唔使排隊等到9:00幾 10點先有得抵價食壽司！！！🤤🤤 一黎即點 最中意食既海膽手卷同各自唔同款既軍艦 , 壽司， 海膽勝在大大塊海膽係飯上面， oishi🤤🤤仲有其他好多款壽司， 不過大家都太肚餓， 重點食食食 ,唔使半個鐘就ko 哂我地哂左既壽司，相當滿足！！！！ 一壽司既黑夜壽司絕對冇得輸！！！ 絕對平靚正之選擇

黑夜壽司以前成日食，但反而佢轉左六點就開始，我就好耐冇食過lu前排經過見到佢lunch set幾抵，馬上去試試，佢既lunch set有分$68或者$78，係尖沙咀區黎講叫中等價錢嫁啦，而且性價比算係幾高！一個lunch set有齊小食、卷物同主食，次次食完都飽到上心口小食我食過鯛魚沙律、茶碗蒸同吉列蠔，全部都好好食！而卷物都係一貫作風，係好食既！重點就黎啦，如果你唔怕比多$10，個角切魚生飯真係你估佢唔到咁好食！全部野都新鮮，而且份量好足，真係可以話抵食夾大件。不過海膽海鮮炒飯就麻麻地，太鹹同埋啲海膽唔夠新鮮呀☹Anyway 如果你都係尖沙咀返工，又唔想食啲過百蚊既日本野，一壽司真係個好選擇黎嫁！😆

星期六的夜晚在尖沙咀找食都會有一定的難度。朋友想食壽司，行下行下見到個「提早半價優惠」梗係衝入去la ! 8:30pm 條龍也不算長但被安排坐位就要等上四個字。一行四人好似唔駛錢甘係甘叫！叫到成枱都係！總結一分錢一分貨，四個人食到飽都係$780。其實都fair price . 推介一定要食蟹羔！好香。同埋條10cm 的饅魚！👍🏻👍🏻魚生帶子鮮甜$16有5件 （半價左！）海膽、蝦、滑蛋一般，但以價錢來説己經算可以。

好耐無食一壽.... 不過今日5點幾經過 見到門口已經有好幾個人排緊隊..... 好奇之下八卦下.... 原來而家6點已經係黑夜... 有半價呀.....男朋友出到來... 經過見到唔駛等.. 我地都決定入去試下......以下就係今日食過既野......食完最後$330埋單.... 價錢就係抵既... 不過野食呢就麻麻.... 睇黎都唔會有下次啦

N年冇食過黑夜壽司，一心諗住懷舊下。今時唔同往日，三文魚刺身梅+冇味仲有冰，八爪魚刺身怪味+食啫喱feel，海膽軍艦腥既，甜蝦刺身冇甜蝦味......唯一正常係鰻魚壽司因為夠多鰻魚汁😅😅我記得n年前既黑夜壽司排晒長龍都要食，而家walk in 冇人排，提早6:30pm開始，一切一切............自己諗啦☹️

人數：2時間：星期二晚 9pm唔使等位。蟹柳牛油果壽司咁樣擺未見過。味道正常。蟹腳壽司蟹腳擺得靚，但好淡冇乜味。火炙芝士三文魚壽司呢個ok，有芝士香味。火炙海膽壽司有啲腥味。下午六點後有半價，平。食咗十樣，總共 $198。平圴 $10 一件。

一壽司是我最常光顧的一間餐廳, 因為他6點半之后有特價時段, 大部份食品半價, 性價比非常的高, 我跟我的朋友成日都會黎食最化算的是手卷, 因为在外面吃的也要20蚊起一舊細細的, 而一壽司6點半後10 幾蚊就有一個, 我最鍾意的是牛油果手卷, 軟軟綿綿, 入口即溶, 自己係好難揀到咁靚的牛油果, 除左牛油果手卷之外, 我最鍾意的手卷係炸軟殼蟹手卷, 我講笑咁跟朋友話, 我地不如搵次黎食, 淨係叫手卷, 只不過我地每次黎食, 都會忍唔住瘋狂叫其他野食鰻魚長壽司是我們第一次食, 我地覺得他的鰻魚比我們想像中要長, 所以我們很滿意, 他的魚肉還是厚厚的, 好juice我每一次來到最最最 要叫的是肥美的三放魚刺身同帶除刺身, 他們的肉很厚, 亦會較壽司所揀的部位肥美, 所以手卷滿足到我的飯胃, 刺身滿足我的魚生胃 珍寶帶子壽司是我的摯愛, 另外必叫的係燒鵝肝, 一定要熱的快食, 簡直係一餐中完美的句號, 返到屋企都仲有陣鵝肝味呀!!!!有朋友話旺角分店質素差左好多, 我平時食開tst 都還可以, 希望一壽司可以keep 到水準, 等我繼續享受性價比高的壽司店

Ordered a few sushi, seems now they have discounted price in earlier time? I loved the eel sushi, the eel was very long and thick, the only thing is the skin was not crispy, the sauce a bit weak.In general it was ok.The texture of steam egg was good, very soft and smooth, but the taste of egg was weak.

夜晚十點幾諗住尖沙咀冇乜日本菜選擇，過黎好耐冇食既一壽司食個飯，其實幾百蚊又食過咁多次真係唔會預佢有乜驚喜比我，但今晚既驚喜服務好值得刻意囉上黎同大家分享！驚喜1:先黎落單比紙待應，數住四個係我身邊行過扮睇唔到，我明晚場咁旺待應手忙腳亂好正常，但你幾忙都好，係咪都應該同個客交待一下或講聲我等陣？更何況我只係要比order紙佢！真係同茶記冇分別！驚喜2:到上菜時刻，一位制服看似高級少少既女待應一手放碟野落枱，係放到張枱都響果隻，唔好意思都冇句就一支箭咁標左去第二度，真係想罵佢都唔見人！驚喜3:成晚成間場既服務生都係黑口黑面好似d客食野阻住佢地咁，唔覺意望到佢地個樣都好似食得自己有點兒內疚😞！驚喜4:餐飯食到咁有驚喜都唔會諗住比貼士，餐飯$367我比$370，點知埋完單坐左成十分鐘佢地都冇意識找返$3蚊比我！一個咁平凡既晚餐竟然食得到4個驚喜位，今時今日真係分分鐘茶記都食唔到咁正既服務！想體驗下既朋友可以去尖沙咀呢間分店！多謝收看！

同男朋友收工想食日本野，想起見過一壽司黑夜壽司提早至6:30滿心歡喜地期待，仲要唔駛排隊... 點知，一入到去黑夜壽司優惠半價不包括小食、飲品飲杯茶都唔夠熱，無乜味上菜都上得有少少慢但食落口，先至係惡夢既開始：鰻魚又薄又乾炸蝦都唔得，三文魚都唔新鮮完全同以前的一壽司唔一樣面目全非食到半路覺得唔對路，超級伏味想早啲賣單走人仲發現每人平均消費$90，連壽司飯都覺得難食...又少侍應，總體來說，仲難食過爭鮮下次唔會幫襯

一壽司，黑夜壽司。真係往事只能回味。呢間壽司以前十點鐘後嘅黑夜壽司半價優惠，排隊排長龍，質素依然好好。以前鋪頭仲有長長嘅熱帶魚魚缸，環境好靚。而家提早六點鐘做半價優惠，依然排長龍，滿心期待，可惜失望而回。最失敗係佢嘅壽司飯完全冇醋味，海膽壽司有腥味，燒鰻魚係凍既，其它壽司亦都唔新鮮。唯一正常就係串燒同埋冷面，不過呢兩樣都冇半價優惠。(半價只限壽司刺身同飲品) 一定唔會再有下次嚕。呢個真個惡性循環，原本好地地點解要做到自己咁低呢。