豊勝手丼 (已搬遷) 新店位置

呢间餐厅系我嘅food list入面已经好耐， 最近去开铜锣湾终于有机会入去试下。一道餐厅就系一阵扑鼻而嚟嘅鱼味， 非常有日本鱼生市场嘅感觉。 餐厅环境唔算大，但系都坐得几舒服。饮品方面我叫咗呢支苹果梳打， 由日本进口， 味道都相当唔错。呢度嘅鱼生丼款式相当之繁多，令人拣唔落手。 问咗店员之后， 佢就建议我拣呢款由厨师发办嘅鱼生丼，鱼生种类丰富之余亦较新鲜。丼饭上面铺满咗唔同嘅鱼生， 有赤贝、三文鱼、拖罗、海胆等等，种类相当多，而且每款都非常新鲜。除左鱼生饭外，个set仲包埋沙律、糖心蛋同汤，味道亦相当唔错。