富粥 (已結業)

午饭时间竟然无咩胃口，谂住唔食。但又惊之后会肚饿又无机会食，真系好矛盾。咁啱见到富粥，咪入去啰。哇，见到餐牌吓一跳，平均价$30左右，今时今日仲边有咁平架？唔好意思净叫一碟肠粉，叫够两碟，每边只食到一半，其余打包，因为真系无胃口呀麻。左边系韭王叉烧肠，右边系生菜碎牛肠。外表一D都唔讨好，但食落就知新鲜。我自己比较钟意韭王叉烧肠，韭王够香。真系又平又抵又新鲜，穷人恩物，粮尾必选。见人地食猪润面、猪润粥好似都好好食，我一定会再黎食架。