神輿日本料理 (已結業)

想食得开心又满足就最埋去食放题，而且有咁多种类嘅放题选择都唔知食乜好，最后大家一致去食日式放题嘢食比较多又啱大家口味，今次就去左旺角呢间日本料理食放题，餐牌上已有多款美食提供，大家都好自然先点番个刺身拼盘品尝一下，有齐晒我想嘅刺身，三文鱼、油甘鱼、带子、甜虾、象拔蚌，食唔够又可以再点保证食得满足，食完刺身再来有寿司同手卷呢D不可缺少美食，每款口味各有特色，寿司迷嘅我当然有至爱左口鱼边、鳗鱼同带子，再食番件火灼和牛简直完美，记得仲有一样必定要㸃来食佢就系人气卖点之一海胆寿司同手卷，入口香滑又鲜甜正，食左一轮刺身同寿司系时候食下其他特色美食，轮到有炸物同天妇罗，点都要点番几款品尝一下，炸物就有吉列炸蚝、榴梿球、同炸鲜奶入口香脆内软就唔驶讲，天妇罗有海虾、秋葵、日本蕃薯同南瓜，炸得松脆又香口，再来有一品料理烧汁一口牛，入口香滑又多汁有水准，再食番啖鲜味十足热辣辣鳗鱼炒饭特别滋味，美食一款一款接住来有芝士焗虎虾同汁烧牛肋骨食落味道够晒惹味，唔少得再食件烧菠萝入口香甜又多汁，食放题时间真系过得特别快，最后系自助区攞埋甜品同雪糕再慢慢品尝一番先至系一餐完美放题。