南瀛水產

今晚又过嚟食呢间日式居酒屋，因为海鲜好鬼新鲜，主力食浜烧，啱晒冻冰冰嘅宜家。矶烧活贝盛合有扇贝、大蚬、石蚝，仲有郁紧嘅大鲍鱼。全程有职员帮你烧，开埋壳，负责食就可以。见到佢有个水缸养住啲鲍鱼，食材就梗系新鲜喇，加上清酒一齐烧，海水咸味令啲海鲜仲鲜味，最钟意就系鲍鱼加咗七味粉，特别惹味。南瀛卷🍣呢度嘅名菜，红虾、三文治籽、拖罗蓉满泻嘅特色卷物。系佢地烧海鲜时食就啱晒。松叶蟹海胆釜饭🍚入面有松叶蟹、樱花虾、海胆。焗一焗之后捞匀先食得。焗完香味更出，有饭焦，都几有特色。蟹味噌甲罗烧🦀蟹膏、蟹肉、蟹子、鹌鹑蛋混合煮熟，啖啖浓烈蟹味。三文鱼卷🍣最简单嘅三文鱼卷，有青瓜蟹柳沙律酱。小朋友一定钟意