莆田 (利舞臺廣場)

营业中

休息中

平时日式鳗鱼就食得多，呢间中菜馆最近新推鳗鱼节，主打四种唔同煮法嘅鳗鱼菜式，食材由渔场运输到全球门店，标榜只采用重800-1000g，体长近70CM身材嘅，唔试过唔知有冇料到！鳗鱼菜式叫咗两款，蒜蓉豆豉蒸鳗鱼以点心蒸笼仔上，鱼肉充满豆豉香气，食落甘香油润、普宁豆酱焗鳗鱼，外皮呈现反卷状，口感Q弹，鲜美又好食，下面铺满洋葱同蒜头，十分香口。新品菜式有原汁焗排骨，以1小时蒸，原汁原味，骨肉分离，一咬即散，老少咸宜，性价比高。椒盐猪手制作时间足足有成8小时，外层薄身又酥脆，满满胶原蛋白，值得一试。另外有石锅滑豆腐，热辣辣上枱，建议要加点白饭拌，豆腐外焦里嫩，仲有肉碎同煎蛋，超有惊喜。菜品有芥兰豆皮，简单清炒，味道咸香，滑嫩爽口。整体满意度十足，会回访嘅餐厅。