來發館粥底海鮮火鍋 (已結業)

天气突然转冷，心血来潮突然好想打边炉，无意中发现了来发粥底海鲜火锅！初初以为餐厅平平无奇，谁不知也带来了惊喜。入到餐厅服务员10分好态度，餐厅需提早预约，但即兴的我又怎会预约，心想又要等很久，估唔到服务员可以尽快帮我地安排座位仲安排左卡位添！餐厅夜晚主要嘅食客都系以火锅为主！当然我都选择咗海鲜火锅餐！两至三个朋友会安排六款特定嘅海鲜同六款嘅自选菜色；拣咗黑豚肉、肥牛、手打墨鱼丸、鲮鱼肉&日本蟹柳。个人应为海鲜非常新鲜！鲍鱼、虾仲喺度郁嚟郁去！$218有咁新鲜都算系咁啦！餐厅开始有讲明食咗海鲜再食肉类最后食粥底！服务细心！个人认为食物质素不俗，初初以为份量好少，但估唔到食完之后都好饱，特别欣赏手打墨鱼丸和鲮鱼肉，弹牙得黎有好香的鱼肉味，真系冇谂过一间小餐厅都可以做到咁高质素，最后食埋入哂海鲜精华嘅粥底真系唔错架, 好满足！个人认为日后可以再帮衬。