岸久巿場 (已結業)

海鲜烧烤一向系我最钟意嘅食物之一，而铜锣湾呢间餐厅我之前未试过，今日就同朋友嚟一探究竟。每枱都会有芝麻盐酱椰菜做前菜，椰菜清爽香甜，用来做沙律一流。主菜方面我哋叫咗滨烧二人盛合套餐，包括有蚝，贝类，虾同鱿鱼等等。每只海鲜都十分新鲜，尺寸都好有份量。呢间店有专人会帮你烧，坐定定就有得食。生蚝好肥美厚肉，咬落去又juicy，另外，贝类都好鲜甜，侍应加了清酒，令海鲜味道更提升！虾好大只又爽口弹牙！除左套餐外，我地另外叫左盐酱墨鱼须渍，黏口香甜，一试难忘。之后再叫左六款寿司，刺身比起其他店大件，件件肥美，鱼类无筋，牡丹虾好甜又爽口，十分不错。而我最钟意既系香煎蒜片厚切牛舌，牛舌厚得黎香软，入口即溶，配合佢既酱同香蒜，真系超级好食。呢到既烧烤都算系抵食夹大件，未试过既朋友真系可以一试。