西貢咖啡餅店

营业中

休息中

入西貢行山睇吊鐘花之前，首先要醫好個肚先！一向都聽好多朋友介紹依間嘅菠蘿包好好食，所以今次有機會就試下！由於當午餐食嘅關係，就叫咗好多種，菠蘿包、朱古力牛角酥、葡撻同朱古力酥！仲叫咗杯奶茶同凍檸茶！本來想食菠蘿油，但又怕肥，所以叫咗菠蘿包，熱騰騰咁係幾好食，又夠鬆軟，葡撻都好有水準！而我最欣賞就係個朱古力酥，加熱咗之後D朱古力融入個熱嘅麵包真係不得了！而我嘅凍檸茶都幾好味，茶餐廳凍檸茶咁！下次入西貢再食先！