濠客蒸氣海鮮 (已結業)

是日同亲戚一齐食晚饭，佢地喜欢吃粥底海鲜，朋友介绍左呢间系元朗既濠客蒸气海鲜，有质素价钱唔会太贵又食得饱饱，岩洒佢地既口味！呢度舖面虽然唔算大，但胜在干净企理,坐得几舒服。我地4个人,嗌左3个黄金套餐,1个钻石套餐黎呢度食海鲜既最大好处系呢度有人服侍，唔使睇火，而且所有海鲜都开好晒，洗干净晒，我地净系坐定定等食就得有澳洲龙虾，贵妃蚌，鲍鱼，蛏子，青口，海虾，象拔蚌，蟹等等,，仲有个蔬菜盘同埋个南瓜粥底。澳洲龙虾啖啖肉，仲要好弹牙，正之后就系鲍鱼、青口、象拔蚌，海鲜绝对系新鲜多汁，净系点少少豉油都非常鲜甜。然后系蟹，黄金套餐系奄仔蟹，钻石套餐就系顶角膏蟹，其实两只都好多膏好肥。呢到有埋食蟹嘅工具比你，可以慢慢挑嚟食，非常贴心最后就个粥底啦，啱啱海鲜嘅精华流晒落嚟，食落个味道啱啱好