濠客蒸氣海鮮 (已結業)

我用OpenRice 果apps 訂位，訂母親節果晚， 之後亦都收到confirm email，根據book 其他餐廳經驗，應該已經secure 左個位。但今日check email, 餐廳無啦啦取消我訂位，佢話噚日3:00pm 打比我，留左言，見我9:00pm 都唔覆電話，就直接取消。但明明已經收到confirm email 乜原來仲要接電話咩，即係一個booking 要confirm 幾多萬次呀？！ 仲有如果我無check email, 就戇居居母親節去左㗎啦。咁樣比佢取消，我而家都唔係邊度再book 位。佢話唔止取消我一個。見母親節多客就亂咁取消order, 生意唔係咁做既

兄弟請食飯，緊係食好野，咁我話好耐都無食過正海鮮，咁我睇到依間唔錯，佢又話同條囡都好耐無食過正海鮮所以就去左依間道食。今日客人枱唔多，我地都係book左位咁應該係老闆娘招呼我地咁多個。咁佢介紹4人餐可以減錢拆做3人份量，咁應該4xx左右 但我地話要豪食所以3條友仔都係食4人咁就一人大約5xx，我本身肥仔食到最尾都好飽，每款海鮮都好新鮮，聽老闆娘講好似佢地做批發海鮮。食物有幾好食就唔易容了自己親測啦。

第一次食這間，叫了個二人餐$898，加粥底要多$48，之前食開出面果D通常包粥底，唔洗再加錢，套餐內的海鮮幾新鮮，打頭陣的龍蝦大大隻，啖啖肉，不過我們就覺得蒸得過耐，肉質有啲韌，菲律賓頂角膏蟹都真係幾多膏，蟲草花雕雞，無咩肉食，骨多啲，而且無咩味，最後個粥底我覺得唔夠鮮味，味比較淡，而服務態度方面係幾好的.

位於元朗雞地嘅海鮮蒸鍋母親節帶咗媽媽嚟食 但因為節日個價錢都貴少少所有海鮮質素都不錯 好新鮮香甜而且又店員幫你控制識嘅次序 同蒸既時間全程就係不停食食食 最後粥底亦都10分鮮甜

驚喜之作😆係我食甘多次蒸海鮮🦞龍蝦最大隻😱成隻筷子🥢甘長仲要好彈牙😱真係意想不到本身入去見佢得2台客🤔仲要得老闆娘一個又蒸野食又執碗又上海鮮🤨真係覺得伏伏地🤪仲要我地想叫$298/人餐佢又話5夠蟹叫我地轉$398/人😅心諗：5通係會中伏？之後決定叫左個4人餐$16xx+$48有瑤柱粥底一心試伏，呃都係一次豪比佢點知😱d料好足好大隻蟹d膏又爆曬仲有9款海鮮加雞件同粥底個個都食得好飽👍🏻仲有時蔬不過員工只有一人就係老闆娘😅係有d怪😂第一次入一間得一人既餐廳😶😶😶個餐每人包一罐飲品⭐️人均消費$400左右————————————————滿分5🔆🏝環境🔆🔆 🔆 🛋服務🔆🔆 🔆 💲價錢🔆🔆 🔆 😋食物質素🔆🔆 🔆 🔆💥翻兜指數🔆 🔆 🔆 🔆————————————————📍濠客蒸氣海鮮 （元朗）

今次係家人帶我去呢間餐廳品嘗，知道這𥚃是食海鮮蒸，海鮮一定要新鮮質素要好先可以做到海鮮蒸，我哋四個人叫咗四人餐裡面包括：菲律賓頂角羔蟹兩隻、當季奄仔蟹兩隻、澳洲龍蝦兩隻、台灣聖子四隻、美味鮑魚四隻、北海道元貝四隻、南海貴妃蚌四隻、深海龍躉片四片、油貝四隻、海蝦八隻、蟲草花雕雞一份、新鮮蔬菜籃、瑤柱粥底、汽水！每一樣海鮮都真係有佢嘅鮮味，不過我尤其欣賞澳洲龍蝦，因為佢有龍蝦嘅彈性而且好新鮮，蟹方面有好多羔好有咬口，其實每樣海鮮個質素都真係唔係普通貨色，真係好好味！而且每一樣海鮮烹調時間職員都幫我哋處理時間火候非常準，所以更能食到海鮮鮮味👍🏻

之前曾經同朋友去過.今次再幫襯，今次經openrice book 枱，但book 時發生小插曲. 餐廳無啦啦取消我booking,好彩打返俾我話店员按錯，booking 冇變.到埗後.兩個人叫左2人餐，套餐有齊龍蝦、聖子、蟹、蝦、帶子等海鲜，套餐包每人一罐汽水，汽水得一罐略為不夠.點餐後， 店員會係你面前蒸餐具，感覺衛生，蒸完餐具後.店員拎粥底放於蒸架下.今次我地選的粥底係南瓜粥底。和南瓜等配料，而蒸時海鮮的精華會由蒸架滴到蒸架下的粥底，最後成為美味的海鮮南瓜粥。而一個座位下方都有一個層架，方便放食物。食物到，店員會幫忙放海鮮到蒸爐上，第一樣上埸係龍蝦半隻: 雖然不太大，但肉厚，都幾好味.之後係帶子: 夠鮮夠甜，推介，之後扇貝及蝦，然後聖子.最期待的膏蟹出埸，好多爆膏，肉鮮，OK. 蟲草花蒸雞及菜: 雞滑，兩個人食好飽.最後食埋個粥底: 粥底吸盡精華，略加少許鹽都已OK，但份量頗多，每人食多一至兩細碗已勁飽，最後打包一碗回家明天早餐。

我們都係生日、父/母親節過來食大餐，點了個1000多的套餐，有龍蝦🦞，蟹，鮑魚，螺肉？雞肉，南瓜🎃，玉米🌽，海鮮很新鮮很鮮甜，份量夠足，吃到最後，第一次有煲粥既，海鮮的水分流落去，令到煲粥好鮮甜，還可以自己加菜圃，總體大餐推薦來食

地方唔算大，每個座位下方都有一個層架，方便放食物。我地兩個人叫左2人餐，星期一至五不用加一。點餐後，食物就會不停送上。 呢度好彩唔洗自己落手，staff都會地忙放海鮮到蒸爐上，不過蒸海鮮前，他們都會先放一些日本米(圓圓肥肥的米粒) 和南瓜等配料，好讓一陣蒸海鮮時精華都能滴到米粒上，最後成為美味它瑤柱粥底。 澳洲龍蝦半隻: 雖然不太大，但味道上比波龍甜象拔仔: 夠鮮夠甜，推介粟米蟲草花蒸雞: 雞滑，兩個女仔食剛好，但略為細份瑤柱粥底: 吸盡精華，沒有調味都已OK，但份量頗多，每人兩細碗已勁飽菲律賓頂角膏蟹: 爆膏，肉鮮，依家蟹當造，岩時候 最後有新鮮蔬菜籃、同每人一罐汽水，汽水得一罐畋嫌不夠喉 題外話: 佢地會係你面前蒸餐具，感覺衛生

不經意間找看到這間餐廳，抱著試一試嚐新的心情來吃，哪知竟然驚為天人。老闆娘和員工人超好，服務很貼心，食材超級新鮮，每一樣海鮮都好鮮甜，吸收了海鮮汁的瑤柱粥底超級美味。物有所值，美好的假期在美食中結束，大讚

元朗食飯, 經常聽朋友講雞地附近好多好野食, 今日特登過黎哩邊試下我真係好鍾意小店, 好多時都比較有人情味, 服務好, 有驚喜今日哩間蒸氣海鮮鍋都冇令我失望一坐低, 揀緊餐, 店員已主動黎幫手用高溫消毒碗筷而成個過程店員都會幫手蒸海鮮, 唔洗自己煩^^揀左黃金套餐一黎食左個龍蝦同奄仔蟹先, 店員有畀齊工具拆肉想講真係勁新鮮, 當然時間控制得好都好重要龍蝦夠彈牙, 蟹肉都好鮮甜, 仲有少少膏到海蝦, 元貝, 鮑魚鮑魚爽口, 而且清潔得好乾淨, 個群邊白雪雪元貝我自己蒸時, 經常會過左火, 好韌, 今日就唔會, 係有店員幫手的好處^^青口, 象拔蚌仔, 貴妃蚌一樣都係咁鮮味當然個粥底就係精華所在, 米粒口感煙韌, 大滿足$300左右就有咁多貴價海鮮, 可以再回頭

住元朗的好友約我，鳯攸南街3號好順景大廈地下13號舖。我們點左黃金套餐$298 包汽水一罐，親切的老板娘用蒸氣鍋消毒餐具後，加米、瑤柱絲、南瓜粒。首先蒸澳洲龍蝦🦞，肉質結實又彈牙，極鮮甜 很美味。奄仔蟹全隻，肉質結實，很鮮甜。鮑魚肉厚彈牙，洗刷得十分乾淨，食得放心，要讚南海貴妃蚌非常爽口，真不錯。海蝦都很有 鮮甜味。帶子，鮮甜美味，加些廚師秘製甜豉油，特顯美味。蔬菜🥬十分新鮮。吸收左海鮮精華的粥底，加蔥、芫茜、菜脯，很好吃😋

難得約左個好耐無見既fd，所以去食好啲，食蒸氣海鮮火鍋！呢間位於元朗西鐵站附近既小店開業左一年幾，但係聽聞已經草左唔少既熟客，口碑都唔錯。入座後，店員會幫手蒸餐具消毒，感覺幾安全。餐牌有4個唔同既set，由298蚊起跳，都幾豐富。先黎龍蝦同奄仔蟹，雖然唔係羔蟹，但係望落都十分肥美。龍蝦肉新鮮彈牙，而且好鮮甜。2隻蟹我地share食，一隻比較多水，肉質滑。另一隻就比較多蟹羔，好香口。跟住係帶子，鮑魚同蝦。帶子同蝦正常發揮，鮑魚夠大隻，肉厚又彈牙，口感一流～最後係貴妃蚌，象拔蚌仔同新鮮青口。店員提醒我地先食象拔蚌，唔係佢會縮水。三款貝類都幾新鮮，而新鮮青口我都係第一次見同食～口感比平時既急凍青口好好多。食完海鮮之後有個雜菜拼盤食，補充下啲纖維～平時唔會咁樣煮啲菜，估唔到就咁蒸既南瓜都幾甜幾好食！食完所有餸菜之後，仲有個熬左好耐既粥底～店員拎左啲菜甫，莞茜同蔥花比我地加落去食。粥底除左有瑤柱同南瓜之外，仲帶有海鮮既甜味，平時唔會食好多粥同飯既我都食左兩碗～

這間位於元朗鳳群街濠客蒸氣海鮮！店舖位置都算唔錯！附近都有好多食市店舖！人流相多之唔錯！店舖雖然望落冇乜特別！地方雖然都唔算大！但係食材都非常之有質素！十分新鲜！。至於食物方面:當季奄仔蟹1隻澳洲龍蝦半隻美味鮑魚1隻北海道元貝1隻南海貴妃蚌1隻海蝦3隻像蛂仔1隻澳洲青口1隻新鮮蔬菜籃瑤柱粥底汽水1罐。龍蝦非常新鲜爽口彈牙！味道鮮甜！奄仔蟹雖然唔係好大隻！D蟹糕又多！肉質又唔會身！食入口非常之正！。鮑魚又唔需要蒸好內時間！只需要蒸幾分鐘！食入口爽口又彈牙！好新鮮非常之唔錯！。元貝、蝦、像拔仔、青口都係一樣蒸幾分鐘！就好趣食得！一樣爽口非常鮮甜！全部海鮮都冇加其他醃料！味道一樣好鮮甜！真係好正！。海鮮窩底都係瑤柱粥底十分鮮甜！係全部海鮮精華！真係唔錯！真係非常之正！至於價錢方面:星期一至星期五免收加一服務費！。有好多款價錢！我食係其中一款黃金套餐298元！非常超值！高質素食材！👍👍👍😋😋😋

這次經過元朗雞地附近想吃點東西，看到有海鮮蒸氣鍋就決定一試🤤🤤。餐廳裝修簡約，環境雖然不太大但冷氣涼快挻舒服。看看餐牌決定套餐後，就等待食物來吧🤭。店員會為我們把餐具蒸熱消毒，再把粥底放入，面頭再放蒸架來把海鮮蒸熟🤭。全個過程店員也會幫手，自己不用動手就坐著等吃🤣🤣。吃完海鮮就吃粥品牌為這頓飯劃上完句號。💥濠客蒸氣海鮮黃金套餐 HKD$$298當季奄仔蟹(1隻) 澳洲龍蝦(半隻) 美味鮑魚(1隻)海蝦(2隻)澳洲青口(1隻)新鮮蔬菜籃北海道元貝( 1隻)瑤柱粥底南海責妃蚌(1隻)人像拔仔(1隻)這裡的海鮮食材很新鮮，海鮮不用加醬汁也能吃到鮮味🤩。但加了醬油味道會更鮮味，龍蝦煙韌有咬感挻不錯。而粥底吸收了海鮮的精華，而且加入瑤柱和南瓜 所以令到味道更鮮甜🤤。