韓脈 (帝國中心)

营业中

休息中

讲唔知原来尖东帝国中心有间正宗韩国烧烤餐厅叫韩脉。除咗韩烧亦可以食到韩国料理。店员好客有礼，入座后即刻送上韩式前菜小碟。我同朋友俾佢嘅酱油蟹吸引住，一于叫返一只分享。蟹嘅体型都算大只，怕太生冷嘅朋友，叫一只两份都够食。味道又够鲜甜，蟹刺身质素真系好重要。将一部分蟹膏再配埋紫菜拌饭，真系一试难忘。海鲜纯豆腐辣汤海鲜极浓嘅韩式豆腐汤，石头锅上台，保持翻滚够哂热，真系一饮暖哂。辣度真系唔算太辣比较贴地嘅口味，真材实料够哂多料，唔食个白饭都饱哂可以，海鲜煎葱饼经典必叫嘅韩式煎饼，料头够多所以食落味道层次丰富。又厚可以做到软淋嘅口感，但外面又有煎到脆口。真系好食。鲍鱼雪浓汤各一风格嘅汤，见系餐厅嘅特别menu所以叫嚟试下，味道系比较清甜，主要系品尝鲍鱼味，附上盐自己落，可以按喜好调整够贴心。韩式炒粉丝粉丝炒得湿度适中，油量足够条条分明但唔会过份油腻，但以虽然份量大，但唔会太滞。