濠客蒸氣海鮮 (已結業)

元朗鳯攸南街一带好多食肆，为食之人好多在此揾到好嘢食，今日四个老友打完衞生麻雀，就落去呢间濠客蒸汽火锅打边炉，其间特色系有店员专人为我地方安排放海鲜食材入蒸气㶽，较定时间制，蒸好就食，刚刚好！一行四人点咗个套餐每位$288，冇收加一服务费，仲包一罐汽水，食材包括有龙虾，海虾，元贝，带子，鲍鱼，北寄贝，奄仔蟹，青口等等，仲有D时令蔬菜，南瓜粥底，蒸完海鲜，D汁流哂入粥底果度，增加鲜甜味！D海鲜食材好新鲜，味道鲜甜，而且份量唔细，奄仔蟹，澳洲龙虾，鲍鱼，元贝等食材都系贵价嘢，但俾足料我地，仲送多一碟脆卜卜可口嘅炸鱼皮，好正！食完哂D海鲜，就食锅底果D南瓜粥，因为蒸海鲜时滴咗海鲜汁入去，所以果D南瓜粥十分好味又鲜甜，不能错过！以价钱同食材比较，呢餐感觉十分超值！