茶木‧台式休閒餐廳 (杏花新城) (已結業)

家姐同我一齐睇表妹游水，表妹系BB都可以自己游一个私家池，最趣怪系水泡唔系围腰而系围颈，手仔脚仔伸伸下好得意。姑姐带表妹离开赶住回家，家姐同我一齐食下午茶，杏花新城有好多好味美食，我地左拣右拣最终走去食茶木。玫瑰洛神花茶 $37唔方便饮冻饮就要咗杯热饮， 茶壶饮完系可以再加热水再饮过，味道酸酸甜甜仲有玫瑰香味。地瓜花枝饼 $60味道好特别，甜甜地咬落韧韧地，炸得香口，家姐话一粒粒系花枝，其实乜野系花枝？蚵爹肉碎泡饭 $72蚝仔好大粒，又多又鲜味，泡饭入面有好多料，鱿鱼丝，虾米，饮到个汤好鲜味，泡饭好大碗，我要同家姐share先可以食晒！饱到好饱，我地去番细个玩开嘅公园玩下先。