爆丼屋 (已搬遷) 新店位置

今日去咗旺角买外卖食，因为疫情关系禁左晚市堂食咁耐，每一晚都要谂食乜系外卖啱食嘅，真系好大嘅烦恼，但系今日行过见到旺角呢间爆丼屋做紧外卖有八折，非常吸引，所以决定试吓。我地叫左一个松叶蟹丼，一个四重火山盛丼，两个丼饭都分别跟左一个面豉汤。面豉汤味道非常浓郁，同平时饮到既好唔同。松叶蟹丼（原价$275)松叶蟹丼有满满既松叶蟹，除左有蟹肉之外，仲有蟹脚、蟹钳，仲有吞拿鱼蓉，非常丰富。鱼生饭最重要就系鱼生新鲜，爆丼屋既鱼生就非常有鲜味。松叶蟹脚带有淡淡既海水味。四重火山盛丼（原价$298)另外点左个四重火山，包括有海胆、三文鱼子、蟹肉同埋吞拿鱼茸，同样非常丰富，三文鱼子嘅份量非常之多，每一啖咬落口都有海水嘅鲜味涌出嚟，而海胆亦都非常之新鲜，唔会有鱼腥味嘅感觉。外卖有八折真系非常之抵食。