開花結果 (榮吉工業大廈) (裝修中)

今日约左friend去荔枝角整cake，为免蛋糕整好之前先饿死，所以约埋一齐去医饱个肚先，第一次帮衬呢间开花结果系一次去葵涌做嘢，由一个地胆带路介绍去食嘅，当时呢间舖头都仍然系一间地区人情味小店，附近好似只有住宅，唔系特登去都根本唔会食到，食完之后系会令人念念不忘果只，当时知道佢会喺荔枝角开舖系开心到癫左，今次机会咁难得，一定要带啲friend黎试下，虽然佢比起以前多左好多热食，不过我都系依然钟情佢个经典沙律套餐，我叫左个烟三文鱼洋葱包配粟米苹果沙律+碎蛋沙律，佢啲烟三文鱼一啲都唔菇寒，有两块大大块中间仲会夹住生菜蕃茄，而两个沙律都非常新鲜，平时出边食嘅苹果粟米沙律一定会成日遇到好多薯仔扮苹果，但系呢度嘅苹果沙律系可以食到人好满足好满足好满足果只，而佢嘅碎蛋沙律蛋香好重入口都十分creamy，唔系用好多沙律酱捞少少蛋果只，整体而言，成个餐感觉都超健康！