麻市滋味館 (已結業)

揾地方同朋友食生日饭，见呢度既食评海鲜新鲜又明码实价，就去左试试勒。叫左个孖宝$168有乳鸽同黄金虾,两个人食岩晒啦。乳鸽炸得金黄，脆皮，肉质新鲜，配汽水一流。黄金虾每只虾都被咸蛋黄包住，落足料好香口，虾亦非常新鲜，好味。小炒王$88有腰果，鱿鱼，虾干，鱼仔，菜浦炒韮菜花，腰果脆口，鱿鱼虾干鲜味。如果韮菜花再嫩d就更正。最尾老板仲送左两碗蕃薯糖水俾我地食,唔好以为送既无好野, 个糖水好重姜味，蕃薯好软绵绵，又甜。为呢餐画上完美既句号。