舍利鮨 (已結業)

话说今日约左一个好耐无见嘅朋友，佢知道近排系元朗有一间新嘅日本餐厅，仲要系厨师发板👨🏻‍🍳。宜家疫情底下，旅行又无得去，只可以留系香港食下其他国家菜式，望梅止渴一下。而我呢个朋友知道我系一个日本迷，年年都会去日本，所以佢带左我黎试下呢间新日本餐厅。今次系我第一次黎食厨师发板，个感觉好新鲜。餐厅好整齐干净，厨师好有诚意系厨房区等候我地嘅来临，又好有礼貌。由坐低到食物到枱面，我地都可以近距离望到厨师好专业处理食材。因为厨师发板会因应当日有咩新鲜食材而决定当日menu, 所以每日都唔会完全一样。今次厨师发板准备左5款食物，每一款都好似艺术品咁，好精巧，好靓，唔舍得食。但佢地真系唔系得个样，仲系好好食，好新鲜。我个人觉得食厨师发板真系好幸福，厨师会站在顾客角度为顾客准备最好嘅食材，同时又有新鲜感，唔洗顾客烦食咩好。我好满意今次嘅厨师发板嘅体验👍🏻