至尊燒 (已結業)

上个星期行经旺角，见到开左间新串烧店㖞，咪试下啰..入面舖仔细细，但可选择嘅嘢食都唔少！娃娃菜好好味！烧茄子，原来系呢度嘅招牌菜，果然名不虚传！烧丸不过不失啦，不过感觉唔会好味精！烧鱿鱼！正！唔会有阵so味，又唔会太干又硬，我地临走仲order多个上车食！最后，烧香蕉，我第一次，其实本身麻麻地食香蕉，但呢个烧香蕉烧到林林地，热热地，好好味！必试！！总结黎讲我下次都会再帮衬，老板都几nice，会走埋黎问我地岩唔岩食，当然仲有进步嘅空间啦！同埋我中意呢度啲嘢食冇咩味精，食完都唔会口干，同埋啲材料都算新鲜！另外友人大赞自家制罗汉果茶好足料，边食烧烤又可冇咁热气，大家可以一试！