鮪世市場 (鴻威大廈) (已結業)

喺旺角行街，行到肚饿，很想食日本嘢，经过见到呢间寿司店，就即刻入去坐低。虽然系小店，座位唔多，但系绝对坐得舒服，唔迫夹。 坐吧枱嘅客人仲可以见到寿司师傅整寿司。手机落单，想食咩可以慢慢拣。因为我同朋友咩都想试，所以叫咗两个set-鲔世寿司盛(时令寿司八件)同埋极上寿司盛！跟餐仲有茶碗蒸，面豉汤同埋沙律。面豉汤嘅面豉味香浓，茶碗蒸嘅鸡蛋蒸得好滑。极上寿司盛总共有10款寿司，包括玉子，三文鱼，油甘鱼，帆立贝，䲞鱼，深海池鱼，特大赤海虾，金目鲷，大本鲔鱼腩，烧三文鱼卷。而鲔世寿司盛就有八件时令寿司，包括鲍鱼，海胆，北寄贝，吞拿鱼，赤贝，深海池鱼，鲷鱼。刺身新鲜，鲜甜肥美，厚切大大嚿，口感十足，真系好满足。而寿司饭粒粒饱满，食落亦都好香醋味。好特别，第一次见原只鲍鱼寿司，重要唔算细只，非常奢侈，而食落就非常之有咬口。海胆寿司啲海胆真系堆积如山，成旧摆入口系海胆爆炸嘅感觉，非常之幸福。帆立贝好鲜甜，大大片啖啖肉，真系食完想再叫多几旧，停唔到口。吞拿鱼腩一咬落去，满满嘅油脂B晒出嚟，好香油脂味，但系一啲都唔腻。赤虾虾肉晶莹，食落爽口，好新鲜。玉子烧好厚身，超级香蛋味，甜度啱啱好，好有日本食嘅感觉。