大煲皇煮廚 (已結業)

天气凉左好多，又系食蒸气锅既时候，之前同学聚会食过呢间打边炉觉得食物新鲜又好好味，于是今次都拣反呢度试下佢既蒸气锅~价钱$368一位，贵过火锅少少，因为自选海鲜已经有5款之多，海鲜一向值钱，而且佢地海鲜真系好新鲜，呢个价钱超值~$368包括头盆一份，贝壳盛盆，龙虾每人半只，粥底一份，海鲜5款(份量按人数计)，任食配料约二十款，饮品多款都系住饮~头盆我地拣左章红鱼刺身，白肉鱼本身鱼味唔会好浓，但佢鲜味十足，肉质鲜嫩弹牙，本身就咁叫原条章红鱼刺身要$598，呢份份量都好多，真系好抵~美国龙虾，size唔大只，胜在肉质弹牙，有膏~贝壳盛盆，味道够鲜甜，无沙~蒜泥粉丝蒸扇贝，带子肉厚身，有鲜味，粉丝吸哂蒜香同扇贝汁最正~每人半只生猛肉蟹，多膏亦多肉，下面垫左糯米饭，蒸好后吸了蟹汁同蟹膏，好好味~每人半只不够喉~美国桶蚝，巨无霸size，我本身不太爱吃蚝，蚝控一定好喜欢~龙等鱼，同样加入粉丝齐蒸，鱼肉厚身，鲜味弹牙~任食既肥牛系手切牛，牛味浓郁，肥瘦适中，绝非一般放题质素既肥牛，非常惊喜！绝对要encore啊~尾升要食反d菜解下腻~最后好饱啦，但点都要试下马拉糕同红早糕~马拉糕味道好香好松软，红