泰聚 (已結業)

炸虾饼劲正！份量好够，即叫即炸，所以食落口好热好脆，啲酱都好似系精心调制嘅咁，唔似平时啲泰国店用啲甜辣酱嚟点，啲酱好似系甜柚子酱，虾饼点左嚟食会减少好多油腻感。串烧拼盘配上个酱嚟点。一甜一酸，几特别，卖相都几靓。串烧可以自己拣配搭，猪牛鸡，口感不错。柚子虾沙律值得推介！大份足料！啲虾又好新鲜，啖啖都有柚子肉，配埋啲柚子酱汁，超正！大大碟够四人分。盐烧鲈鱼又系不能错过嘅一道佳肴，因为即叫即整，等嘅时间会耐啲，条鱼比一般出面嘅店都为大，块皮系一揭就同肉分离开，容易取肉嚟食。配搭嘅酱虽然都好夹，但就辣咗啲，即使无点酱，条鱼都已经好香好有鲜味。