沙田頭火鍋 (已結業)

打边炉最紧要个汤底靓，料新鲜，沙田头火锅碟碟都份量十足，仲要够哂高质，一班朋友收工嘅好地方。安格斯肥牛(牛小排)(细) $198肥牛油脂分布平均，色泽鲜红，见到已经非常吸引，食落非常嫩滑、软腍，仲有阵阵肉汁，非常好食。原生椰子文昌鸡锅(半只) $168汤底拣咗椰子鸡锅，原只椰青系你面前即开即倒落锅到，所以汤底嘅椰子味非常香浓，文昌鸡肉质嫩滑，好有鸡味，连埋椰子汤一齐煲仲会有阵阵椰子青香味系鸡肉到惨出黎。自家手打虾丸拼墨鱼丸 $88两款手打丸都好弹牙，丸上面仲会有蟹子，材料好足，虾丸里面有粒粒虾肉，墨鱼丸食落好有墨鱼味。自家手打云吞拼韮菜饺 $68云吞同饺都好大粒，云吞里面有原只虾，食落好爽口，韮菜好鲜嫩，完全唔韧。蜂巢豆腐 $38豆腐好似海棉咁吸收哂椰子汤，每咬一啖都好有浓郁嘅椰子味，再加上蜂巢豆腐嘅口感，非常好食。猪皮 $58猪皮大大块，食落爽口弹牙，唔会有骚味。