六十六十火鍋 (已結業)

难得今日放假同女朋友系长沙湾打完羽毛球攰攰地，就梗系揾地方医肚啦，行下行下望吓间铺头名叫「六十六十火锅」咦！个名又几过稳㖞，再睇下佢门口嘅餐牌，竟然有我细细个钟意食嘅「椰子文昌鸡汤底火锅」我女朋友见我想食，就二话不说拣咗呢间食。先讲下环境：入到去好有怀旧香港嘅味道，佢嘅挂画，碗碟，木枱都好怀旧。地方又好干净。之后店员拎左餐牌俾我哋睇唔使讲都系要拣「椰子文昌鸡汤底火锅」我同女朋友海鲜拣咗「肉蟹」「鲍鱼」「扇贝」，「蚝」「海虾」「贵妃蚌」，「美国肥牛」「响铃」「西班牙梅头肉」「蟹柳」「芝士肠」同「手打墨鱼丸」真系唔好讲笑，斋拣嘢食已经流晒口水钟意嗌晒野啦，店员拎个火锅过黎果阵好耐心咁解释个食法系点 。要提一提既系嘴刁既我好讲求食物嘅新鲜的佢海虾、鲍鱼等等 上碟果阵仲系好生猛㗎，真系唔似出边一般嘅餐厅咁，呢间真心好食同埋佢D海鲜配合埋个我至爱嘅椰子汤底...忍唔住当汤饮咗几碗搞到个店员帮我加左几次汤谂返起都有啲唔好意思哈哈其实平均每人二百几蚊 仲有咁多生猛海鲜食真系好抵，下次会叫埋D打蓝球既波友一齐Happy Dinner