壽司郎 (TKO Gateway西翼)

营业中

休息中

今日dinner唔知食乜好，见寿司郎居然净系要排14张，即刻入去食啦，点知入到去见到出咗新menu，一试，有惊喜㖞！首先叫咗个鱿鱼须天妇罗，一份大概四旧啦，一旧大概2条须，好易咬开，连我呢啲棚牙净系食到豆腐嘅人都咬得开！点埋佢个天妇罗汁！建议一试！🤩另外食咗个炸池鱼，我本身以为好似之前出过嘅池鱼天妇罗咁啦，点知原来系鱼柳咁，不过都都好脆，好热，感觉好似啱啱炸起俾我咁，都好食！😋不过佢个牛舌寿司就麻麻地，平时我就好钟意食牛舌嘅，但件牛舌好似冇乜调味咁，味道比较淡，可一不可再。整体嚟讲我觉得新menu都唔错，新出啲口味都几贴近我口味，我谂我会去食多啲！