弁当焼 (已結業)

天后新开外卖店，主打有得食有得玩嘅一人烧肉外卖方便包，牛肉有三款选择，喺冻柜拣选后店员包装入盒，一盒就有齐炭火烧烤所需，火柴、炭精、连淋熄火种嘅包装水都有齐，实在太贴心❤️‼️绝对系懒人恩物，啱晒唔想洗碗嘅人🤭包装盒精美又齐整，盒内印有炭火烧步骤，仲有木制烧肉夹，便当包含生牛肉(三选一)+炒野菜+配菜+珍珠饭🍱，送味噌汤，拣咗「美国安格斯下肩胛翼板便当烧($108)」及「美国安格斯牛小排便当烧 ($138)」一试。安格斯牛质素唔错🥩，无火迷你炭炉好够热力，最好烧完唔算大阵味🌪，唯一系攞到返屋企饭粒唔够分明，不过百零蚊计埋包装绝对系CP值甚高